الفقر يج رح

لا ي ازمان الضيم ياشين مذهبك
عذبت قلبٍ حبل الاحزان غاله
لاتشتكي ياقلب لناس مطلبك
رزقك على ربٍ قويه احباله
اعرف ترى فلم الزمن حيل يرعبك
خل الهزل لأهل الردى والرزاله
واحذر صواديف الدهر لاتعذبك
وكلٍ على ماقيل يبلش بحاله
ليامن تردى الحال محدٍ بيقربك
تكره زمانك ليا سًموك ((عاله))
ماينفعك بالوقت ياكود منصبك
كلٍ لجل عينك يهين ارتجاله
وان قل مالك من يحشًم شواربك
يقل قدره كل ماقل ماله
ياخوف قلبي سود الايام تنكبك
يارب سترك ياعظيم الجلاله
الفقر يجرح والمخاليق تطلبك
يطلبك راع البنك وراع البقاله
ياشين ديانك ليا قام يذهبك
مالوم قلبه كان يبغى حلاله
مقرود ياللي مقرد الخلق تتعبك
ومسكين ياللي ضاع وضيع عياله.
.
.
.
.
.
وسلامتكم .
.
.
.