الكذب

السلام عليكم ورحمة الله وبركاته
مبارك عليكم الشهر وعساكم من عواده وصوامه ان شاء الله
هذا أول موضوع لي في هالقسم ..
وابي منكم النصيحة ياذوات الخبرة
لي صديقة اشتكت لي من زوجها وبصراحة ماعرفت افيدها فأستأذنتها اكتب مشكلتها هنا ان شاء الله احد يقدر يفيدها ..
مشكلتها انه زوجها يكذب عليها حتى على اتفه الاسباب مع انه الشهادة لله رجال ملتزم ويخاف الله
لكن فيه طبع الكذب وفي مواقع مايستاهل الكذب فيها ..
وكل ماوجهته قال انا كنت ابي اختبرك
مثلاً تسأله الشنطة هذي من له يقول شنطه لي فاضية شاريها فتحتها لقت فيها اقمشة رجاليه
سالته قال انها لابوه وطلعت بالاخير هدية من خاله له هو
ولما واجهته قال كنت ابي اختبرك !!
يختبرها في ايش ماأدري
يعني ليش يكذب عليها ماأدري عاد هي المسكينة موتها وسمها الكذب تكرهه كره العمى
وتبي منكم طريقة تخلي زوجها يبطل كذب خصوصا في هالشهر الفضيل فرصة ان الواحد يترك العادات السيئة
وارجو انكم ماتفشلوني
يمكن انتم تشوفون المشكلةمو مهمة وتافه بس هي مرة متأزمة منها وياليت تفيدونا