الكل يدخل ويرفع من معنوياتي

السلام عليكم
حبيت اخبركم قصت حياتي
الي تقول انا بنت وجميله واجمل وحده فخواتي
وعندي شهاده جامعيه وموظفه وادب واخلاق
بس للأسف قليل الي يجي ويخطبني يعني مثلا في ااحد خطبني فيه كل المواصفات الي اباها بس للأسف الاهل رفضوا الشخص وما صار نصيب
وفيه شخص ثاني ولد شيوخ وكان يحبني ويموت فيني وقلت بصلي استخاره بس حسيت اني ما مرتاحه وقلت ما موافقه وحاول كثير حتى انه صاح وايد لا ني رفضت وحاول بس للا سف تزوج فالنهايه يعني ارتحت من حنته ليل ونهار
وبعدين جتني عروض من الدوام الي تباني حق اخوها والي ولد خالتها وغير كثير بس حسيت انهم ما مناسبين كلهم يريدوني عشان وظيفتي ما عشاني شخصيا
وهاذي المأساة الي عندي والطامه الكبرى صديقاتي في الدوام كلهم تزوجوا واستقرووا الا انا واحس باحراج وايد لما نجلس مع بعض كلهم سوالفهم وحده الا انا ما عندي حد يسولف
والحين في شخص خطبني وقلت بعطي نفسي فرصه هالمرره يمكن الله كاتبلي نصيب معه بس الحين جاتني امي وقالت طلع الرجال متزوج وعنده ولد بس يريد يطلق
قلت يا فرحه ما تمت متزوج
والحل؟؟؟؟
مليت من الروتين اليومي الممل وايد يعني فحياتي ما شي يديد كل يوم نفس اليوم الي قبله
حتى فالدوام الروتين سيم سيم
عشان كذا قرت اغير الروتين وادرس ماستر بس احتاج لشهادة الايلتس وقلت فرصة اسافر بريطانيا منها اخذ الايلتس واغير جو
بس باخذ اجازه من الدوام 3 اشهر واتمنى يوافقوو يعني بحاول بالقوه معاهم
بس بعدني ما اعرف كيف ارتب اموري واسجل واخذ الموافقة واريد اعرف التكلفه؟؟؟؟
يعني اتمنى كل الي يدخل يساعدني ويرفع من معنوياتي تكفون ساعدوني
لا تحرموني من ردودكم احتاجله بليز