الله الله على من تساعدني ابني محتاره خمس سنين

يا امهات اللي مجربات ابني قليل الصبر عصبي وانا اكتر منه عصبيه ما بدرس ما بيرد علي دايما عياط وصراخ وكحه وحالتو بتصير بالويل وانا بشد عليه وما عندي صبر في تدريسه دخلتو روضه بس ما بتفاعل مع الاولاد وما بكتب مع الابله وما بركز باللي بصير معه بحسو مرات مسطل كتير مش داري عن اشي ولفظو للحروف مش مزبوط شو اعمل معه وحاسه ازا اتاخرت عليه بهالوضع بضرو قررنا نسجله صف اول وانا محتاره كيف بدو يسلك وهوي خمس سنين لسا ونا س بحكولي شدي عليه وبصير وناس بخوفوني انو لازم اتاخر عليه سنه كمان والله ما انا عارفه شو اعمل هوي ذكي بفهم وبعرف الاحرف بالعربي والانجليزي وبكتب كمن كلمه بس ما بعرف يقرا وخايف ينصدم بالفصل الاول وخاصه انو كتير صعب بس ازا كمان تاخرت سنه ممكن يصير اشي انا مشكلتي الاساسيه معه انوما بعرف يتعامل مع الاولاد ومش اجتماعي وانا ما بلومه لانو انا ما جمبي حدا من الناس او الي من جيله ............... يا الله .............................. تعبانه نفسيا نفسي اشوفو متفوق هادي فهمان كل احلامي فيه طلعت بالعكس وانا بلوم حالي بس شو بدو ينفع اللوم وهسا اخوانو الاصغر منو بتعلمو منو والله يفرجها علينا وعلى كل عباده يا الله يا كريم وجزاكم الله خير على الصبر على كلامي وطولو بس مقهوره ومش عارفه كل شي بعملو بكتشف بالاخر انو غلط
جزاكم عنا كل خير انصحوني بشئ والله الموفق