الله يهدي خالاتي

السلام عليكم ورحمة الله وبركاته
كيفكم بنات وش اخباركم ؟
مشتاقتلكم عندي مشكله و محتاجه رايكم لانو انتو دايم تفهموني
كل خالاتي كان يبون بنت اختهم لاخوي و كان ملزمين على الموضوع مره حتى قالوا لامي حنا بندفع المهر المهم
ماصار نصيب لان اخوي قال ماابي من القرايب والحين اخوي خاطب ومن شهر ملك تقريبا بنت من عائله ماشاء
الله عليها المهم خالاتي مره حاقدين علينا لدرجه ماتتصورنها يوم الملكه جو عشان ينتقدون بس البنت كانها
قصيره لا فمها كبير ............الخ رغم انهم نصابين لانها احلى من بنت خالتي والحق ينقال المهم السالفه انو
بنت خالتي جاها عريس وربي فرحت لها انا وخواتي من كل قلبي بس خالاتي الله يهديهم كل اشوي ينكدون
على امي ينتقدمون منها كل اشوي يتصلون شفتي ايش جابلها شفتي راح تتزوج وهي اصغر من بناتك
اصلا هي مره تجنن والناس كلهم يبونها ومن هالكلام مايخلصون المكالمه الا وامي الله يعلم بحالها
مو بكيفنا انو انا وخواتي ماتزوجنا ليه ينتقمون منا واخرتها خالتي داقه على جوالي ماكفاهم امي دقت تتشمت
فلانه انخطبت وانتو لا وانا ماسكه اعصابي بالقوه لاني لو عصبت راح ابين اني مقهوره وانا وربي الي يعلم انو
لا بالعكس فرحت لها سؤالي بعد هذا الي صار كله تنصحوني احضر عرس بنت خالتي والا لا ؟