الله يوفقكم ساعدوني

انت اغلى ناسي

14-06-2022 - 05:39 pm

مرحبا حبيباتي
تكفون ساعدوني وربي اني في ضييق وخوف مو طبيعي
انا زواجي بأجازه الربيع
مشكلتي اني الى الان ما اكن لخطيبي اي مشاعر يعني الى الان ماحبيته مع انا متملكين لنا 7 شهور تقريبا ويكلمني شبه يومي ما ادري احيانا وربي افكر اني انفصل عنه وبعدين ارجع اقول لا لاني افكر بأهلي لانهم يبونه وعاجبهم هو شخص مايعيبه شي اخلاق ودين بس عيبه حالته الماديه ضعيفه مرره دخله بس 1800 ريال بس مؤذن بمسجد
انا عند اهلي متعوده على الرفاهيه ما اتخيل بعدين اني اطلب شي ومايلبيه لي
وتتوقعون اذا ربي تمم لي زواجي اني ممكن احبه
وربي افكاري مخربطه امانه ساعدوني الله يرحم والدينكم مالي غير الله ثم انتم

التعليقات (8)

*عيون كحال*

14-06-2022 - 08:45 pm

ياهلا فيج اختي اول شي الف مبروك والله يتمم لكم على خير
اولآ المشاعر شوي شوي راح تزيد والاهم من كل هذا انج مقتنعه انه هو شخص كويس من غير فلوسه والفلوس في النهايه كماليات مو هي الاساس وش الفايده من الفلوس ويجيك رجال يهينك ويضربك ويعطيك الفلوس اكيد وقتها بتقولين طز بالفلوس اهم شي كرامتي وبرجع بيت اهلي
ثاني شي انا بالنسبه لي زوجي تحسن حاله بعد الزواج لأن الزواج فيه رزق على الزوجين وخليج انتي سند له وخليه يحس انه مو مقصر عليج بشي ولا تضغطين عليه انتي بشي ما يقدر عليه يعني خليك قنوعه شوي على الأقل لفترة لأن الرجال اذا حس انه ما يقدر صدقيني بيصير ما يقدر في كل شي وبيأثر عليه حتى بفراشه ولا تنسين حديث الرسول عليه الصلاة والسلام انا مو حافظته بس معناه اذا جاكم رجل ترضون بدينه وخلقه فزوجوه وخلي عندج ثقه بالله انه راح يعدل الحال لأن ما بعد الصبر الا الفرج واكثري من الاستغفار وصدقيني ربي بيفرجها عليكم والله يوفقكم يارب ويرزقكم من حيث لا تعلمون

غريبة الدآر ..

14-06-2022 - 09:46 pm

كلام اختي عيون
عين الصوآآب
ولاتنسين الاستخاره والدعاء
والف مبروك يالغلا
والله يتمم لكم على خير
والحب ياقلبي
يجي شوي شوي
وربي يوسع عليكم من اوسع ابوابه ..

fatoom_4ever

14-06-2022 - 10:47 pm

اختي مزال هوا كويس واخلاق واهلك موافقين عليه توكلي ع الله و خذوهم فقراء يغنيكم الله
وان شاء الله انتي بتقدري تساعديه بحياتكم
والله لو كان معاه فلوس الدنيا ومو كويس بتتمنى الموت ساعتها
والحب بيجي بعد الزواج ان شاء الله مع الحياه والزواج والأولاد ..

Őḿ-ĹẩṀǻЯ &#

14-06-2022 - 11:48 pm

بصراحه رايي غير عن البنات
1800 وش تسوي بهالوقت؟؟؟؟؟
استخيري وقولي له يدور شغله ثانيه

عبق الحروف

15-06-2022 - 12:49 am

انا من رأيي الشخصي ولاتاخذي تطبقي عليكي لان شخصيتك يمكن تختلف عني
لو رجع الزمان ورا جان خذيت واحد عن حب

RWABEENA

15-06-2022 - 01:50 am

مشاعرك معدومه معه ..هذا شئ ممكن يتعالج لان معظم الزواجات عن غير حب و تنجح ...الحاله الماديه صح مهمه جداً ...لكن هذا في تغير لايمكن لأحد تخمين مايخبي له الغد من رزق قد يكون حاله أفضل ...
عزيزتي انت تعرفين تحددين هدفك ..أقول لك كيف :....أذا انت على بعضك جمال وثقافه وغيره .يعني مرغوبه وعليك عين تستطيعين الأختيار والتخير واذا العكس مع أحترامي لك تريثي ..
لان أشوف حالته الماديه هي اللي مأثره على رايك ..لاتخليها عثره اذا كلشي بيه زين وخاصه اذا عرفتي انو أهله كرام وخاصه ابوه ..يعني مابيهم خصلة بخل ...لان اذا اجتمعت الصفتين معه مصيبه الله يستر
وصدقي كم من الرجال عندهم مال كثير وأيدهم تنطق بالقتره والبخل !
موفقه

نجمه غصب

15-06-2022 - 02:51 am

استخيري
والله يسهل امرك

ربي اغنني بحلالك عن حرامك

15-06-2022 - 03:52 am

ماشاء الله
اخلاقه ودينه تشفع له
والماده مو كل الشي بنات كثير لما تتزوج ربي يرسل رزقهم
وشوفي موضوع هنا في صندوق التنميه البشريه وظائف لشباب بمرتب 5500
شوفي يمكن يفيدك يالغلا

إليك 18 لا يحافظن على حياتك الزوجية سعيدة←
كذبت على زوجي وقلت اني حامل تعالوا ساعدوني بليز→