المخطوبات والمتزوجات يدخلون ضروري

البنت الحزينه

23-05-2022 - 01:19 am

السلام عليكم
كيفكم بنات ..
أبدخل بالموضوع ..
أنا بنت عمري 21 سنه .. أدرس بالكليه .. بصراحه انا زي اي بنت اتمنى ألبس الفستان الأبيض
أنزف وأعزم صحباتي وأفرح ..
كل اجازه تجيني كروت لزواجات صحباتي وحده ورا الثانيه تتزوج .. حتى الصايعات اللي كانوا يقابلون
شباب تزوجوا ومستقرات ..
بنات اصغر مني اعرفهم اعمارهم على 18 انخطبوا ..
تعبت وأنا أقول قرب يجي نصيبي .. تعبت وانا اقول بهالاجازه انخطب .. تمر اجازه وتجي اجازه بعدها
وانا مثل ما انا بس اروح وألبي دعوات صحباتي واقدم الهدايا ..
ماني عارفه وش اسوي .. يعني افكر وش ناقصني مدري .. الحمدلله مقتنعه بحالي جمال والحمدلله
السمعه الطيبه والنسب الطيب .. طيب ليش الناس ماتشوفني ليش منعميين عني ..
تكفون يالمخطوبات والمتزوجات قولولي وش سويتو عشان تنخطبون وتتزوجون تكفون
علموني ..
أدري ان الزواج مسؤليه والحمدلله متحمله المسؤلية وانا ببيت اهلي بس ابي اكون زي اي بنت وافرح
تكفون بس علموني وش سويتو ؟؟؟؟
دعواتكم لي ان ربي يرزقني باللي اتمناه

التعليقات (9)

ســلمى

23-05-2022 - 04:24 am

اولا قولي لا اله الا الله..
مافي حاجه معينه نسويها..
ياقلبي هذا نصيب بعدين وايش يعني عمرك 21..
اختي عمرها 26
وزواجها بالصيفيه..
والمشكله تقدملها خمس خطاب بيوم واحد..
يعني نقول وين هم عنها كل هالسنين ...!!!
هذا قدر الله ..
وانتي لسى صغيره..
وصدقيني لو تزوجتي بتقولين ياليتني لسى بنت..!!
محد مرتاح..
الله يرزقك ياشيخه بزوج يهنيك ويسعدك..
واذا تبين حل سريع...
اكثري الاستغفار..
والله انه حل جذري لكل المشاكل..
لا تتهاونين..فيه..
انتي استغفري من قلبك بنية اي شي تبينه...
وبعدين تعالي قولي لي وش صار..
لو بعد شهر شهرين سنه...
الله يفرج عليك يارب

red-rose

23-05-2022 - 05:25 am

لا تستعجلي عالهم ياحبيبتي
الله يوفقك

((رنا))

23-05-2022 - 06:26 am

الله يفرح قلبك بالزوج الصالح الحنون ,,,,,
يارب إن كان لك في هالامر خير ان تكون ملكتك بالعطله يارب

**المـاسـه**

23-05-2022 - 07:27 am

وعليكم السلام ورحمة الله وبركاته00
بخيير ياقلبي عسااك بخير00
حبيبتي00
كل بنت تتمنى تتزوج وتفرح وتلبس الفستان الابيض وتنزف00
بس لااتخلينه شغلك الشااغل00انتي لسسة صغيرة كملي دراستك واستاانسي بسنك وافرحي وخلي التفكير بالزواج على جنب00
وخلي شئ ببالك هذا نصيب وبوقته رح يجي لااتشغلين بالك نصيبك رح يجي لحد عندك00
وهذا راابط مفييد كثير ورح ينفعك ان شاء الله بس انتي طبقية والله يوفقك ويرزقك باللي يسعدك ويصونك00
http://alfrasha.maktoob.com/alfrasha28/thread822593/
لك تحياتي00

حلمي أسافر فرنسا

23-05-2022 - 08:28 am

أولا أنا بعلق على البنات الصايعات ذولا من قديم الزمان اللي مستحيل يعنسون لا وازيدك من الشعر بيت الحين حتى البويات يتزوجون ما قول غير الله كريم يرزقك ويرزقني بالزوج اللي كل وحده فينا أتمناه وان شاء الله نتزوج قبل ماتخلص 2009

احساس انثى

23-05-2022 - 09:29 am

الله يرزقك بلي يرضيك ان شاء الله الله يوفقك وزوجك الزوج الصالح

عصفورة الدوري 2009

23-05-2022 - 10:30 am

وش فيك مستعجله وكانك عانس؟ ياختي توك عمرك 21 سنه
الله يرزقك

" رونق"

23-05-2022 - 11:31 am

يارب انك تزوج كل بنوته تبي الستر والزواج
ولاتنسي الاستغفا ار
مهم مهم مهم لحل كل مشكله مجرب
وانتي باقي صغيره انا تزوجت وعمري26

تولين2011

23-05-2022 - 12:32 pm

اسال الله الكريم الواحد الاحد الفرد الصمد بحوله وقوة ان يزقكي ويرزقني بخير الرجال
امين

لمن تريد الزواج تفضلي هنا←
لكل من تريد الزواج→