المرأة السعودية و خطوات تقدمها للنجاح و الذوق

أول شي هذي مشاركتي الأولي يعني أبي ردود
قلت لنفسي أخلي هذا موضوعي الأول عشان العيد على الأبواب (كل عام وأنتم بخير مقدما )
كثر الكلام في هذي الأيام عن المرأة السعودية و عن تخلفها و بشاعة ذوقها
لكن بكل صراحه .. أنا شفت العكس في محل بالحداد collictions .
المهم .. و الله أنا قلت أجيبة لكم في هالوقت يعني إللي تشتري حق العيد و إللي عندها عرس أو
إللي تأثث بيت و بيتها جديد ... إلخ
( على فكرة إللي يعرف هالمحل لا يحرق أول مشاركة لي يعني
خليكم لا أرى لا أسمع لا أتكلم بس أبي ردود << دكتاتورية )
فكرة هالمحل غريبة شوي :
يعني هو محل نسائي - إذا إخترتي الفستان هم يضوقونه ويطولونه ويقصرونه طبعا ببلاش
لزوم الخدمه عندهم تجي الخياطة لمن عندك في المحل و تاخذ مقساتك و تروح - يصممون من
كل قطعه حبة وحدة يعني إذا لبستي قطعه من عندهم تضمنين محد يلبس مثلك << نذالة )
هذا المحل هو شراكه بين على ما أظن 3 خوات سعوديات .
وحده منهم تصمم فساتين سهرات , بس والله فساتين خطيره و غريبة تحسون
الفستان يعجبك بس لو حاولتي تفصلين مثله ماتعرفين ( إسأل مجرب ) تحسون إن
موديلاتها حلوة و بنفس الوقت ما تعرفين شلون صممتها ..
هع هع هع هع هع أذكر خذيت من عندهم فستانين واحد كان لزواج بنت خالتي , و الثاني لزواج
ولد عمتي .. و ربي العالم إنه ما بقى أحد في زواج بنت خالتي ما سألني من وين فستانك ؟؟
لكن تبون الصج في زواج ولد عمتي قليل إللي سألوني بس أعتقد إن العيب مب في
الفستان أعتقد إن العيب في الجماعه نفسهم لأنهم لكهم بدو جايين من قرى يعني ما تعجبهم
هالموديلات .
أما الإخت الثانية فهي مصممة أزياء شرقية .. بس والله تحسينها مدري شلون ؟!!
جمعت ما بين الفن الشرقي القديم و الفن الشرقي الحديث قريب سمعت إنهم كانوا
مشاركين في معرض بالسيف و سمعت إن عندها قطعه حلوه للأطفال حق القرقيعان أكذب
عليكم لو قلت لكم شفت هالقطعه , بس يقولون إنها حلوة ( ملونة أصفر و فوشي و أخضر و
سماوي , و يطبعون عليها صورة البنت ) والله أعلم .
نجي حق الإخت الثالثة وهي يمكن مجموعه كبيرة من الناس تعرفها لأن التلفزيون السعودي
سوى معها مقابلة كم مرة .. ( خويتكم ما عندها دش مقابلة تلفزيون السعودية 24 ساعه )
هي مصممةديكور أو بالأحرى تصمم أثاث يعني ( صواني للضيافة , زينة للبيالات ، عربات للتقديم
, ... إلخ )و هنا يجي دور بنت خالي الله يجزاها خير هي إللي دلتني على هالمحل يوم شرت
من عندهم صواني تقديم مع طولاتها وبالعلامه لونها بنفسجي ( طقم مع المجلس
حقها ) .
إذا تبون العنوان هذا هو : السعودية - الخبر شارع الأمير ناصر تقاطع 28
والسموحة طولت عليكم بس هذا من إعجابي بالمرأة السعودية وخطوات تقدمها نحو الوعي و الذوق و الإبداع .
منقول للأمانة تلقونه بقوقل