المرجع الشامل لبضاعات الاسواق

زهرة عطارد

09-05-2022 - 01:53 pm

بسم الله الرحمن الرحيم
السلام عليكم ورحمة الله وبركاته..
كيفكم فراشات مبروك عليكم الشهر واعاننا الله واياكم على صيامه وقيامه ...
بنسوي هنا تجمع ...للاسواق ...ايوه ...فكره حلوه وتكون مرجع لنا ..
الشرح.....: اي وحده تروجح لسوق من اسواق الرياض ....تجي هنا ..وتسدح لنا اخر الاخبار
واخر الموديلات وايش حصلت وهل عجبها شي...وكيف الاسعار ...
يعني كل التفاصيل ....
منها نستفيد ونفيد وبما انا بوجه العيد ولازم تجهيز وحركات
وتعرفون الرياض كبيره يعني ماتقدري تروحي سوقين بنفس اليوم
فنساعد بعض افضل ...
وارجو التفاعل ...والمساعده ...ماتعرفون يمكن تفرجون كربة وحده من الفراشات ...بالموضوع
وكل الشكر لكم

التعليقات (9)

ياقوته1980

09-05-2022 - 05:15 pm

اب

حمامة و ثلاث فروخ

09-05-2022 - 06:16 pm

انا من الرياض ولسى ماارحت للسوق زوجى ماابعد روق
يااليت تفيدونى وين احصل جلابية حلوة للعيد وفستان سهرة حلو
ووش راايكم بسوق رمال سنتر

زهرة عطارد

09-05-2022 - 07:17 pm

حمامة و ثلاث فروخ
هلابك يالغلا ...افا عليك افيدك وليش ماافيدك ...لبا قلبك
شوفي حبيبتي انا رحت لمجموعة اسواق وكلها تتشابه من نااحية الاخامه والموديلات ..
الخام الي دارج الحين استرتش شيفون ...الشيفون المطاط ...ودارج منه فسااتين وجلابيات
بصراحه رهيبه ...بس مااعجبتني الخامه بس الموديلات خيال نااعمه وانيقه
بتحصلين في الرياض مول شرق الرياض فساتين تشكيله ودراعات هم تشكيله
والوان وشغلات حلوه
وبالنسبه للجلابيات مانزل موديل واو ...كلها نفس السابق حزام على الخصر والاكمام
والخام شيفون
رمال اتمشى فيه مااقد تغرضت منه ...
العثيم مول خريص منزل قطع بدعه ... ايه نسيت مريت امس بي لس ..ولقيت عنده نفس بضااعة
حجاب مع زيااده وااضحه في السعر ...والخامه كذلك شيفون استرتش...
اتمنى اكون افدتك ...

زهرة عطارد

09-05-2022 - 08:18 pm

ياقوته1980
جزاك الله خير

omkoko

09-05-2022 - 09:19 pm

فكرة نايس

زهرة عطارد

09-05-2022 - 10:20 pm

omkoko
تواجدك النايس
شكرا لمرورك

زهرة عطارد

09-05-2022 - 11:21 pm

صبايا الموضه الحين بالالوان ....البترولي دارج وبقوه ....
والوردي الفاتح هم دارج بقوه