الملكة بالبيت

انا بقولك تفاصيل ملكة اختي
اول شي قدمي عصيرر
بعدين القهوة والحلى والحلويات
بعدها الشااهي والمعجنات
وبعد مايخلصوون
وزعي ورد طبيعي عالاهل كلهم
بعدين اطلعي سلمي عليهم واجلسي شووي وبعدين اطلعي
ولما يدخل العريس سوي زفه
خليه يجلس مع اهله
وانتي ادخلي عليهم مع شريط الزفه شغلووه
واجلسي وفترة جلستك
ان كنتي بتوزعين تذكارات او هدايا على اهل العريس
وارقصوا شوي غيروا الجوو
وبعدين العشاءء
طبعا حنا سويناه بوفيه
وبعده حلىى عشاء
وبعده هدايا مابعد العشاء وهي معروفه
اتمنى افدتك بشي
والله يووفقك

شوفي حبيبتي انا بقولك تفاصيل ملكة خالتي كانت بالبيت بس تكفين ادعيلي الله يرزقني بالزوج الصالح ومبروك مقدما حبيبتي
كانت الضيافه عادي ة اول شيء عصير وبعدين القهوه والحلى
وبعدين جال العريس ولبسها وجلست معه وطبعا كانو مسويين بوفيه بالبيت وفيه الكيكة طبعا دخلو قطعوا الكيكه وتصورو بالبوفيه وبعدين دخلو غرفة ثانيه للتصوير ودخلنا الماعزيم للبوفيه
وبعدين شغلنا مسجل حنا البنات وجلسنا نرقص وطبعا العروس والعريس كانو يتصورون بغرفه بروحهم
وبعدين شغلنا زفه ونزلت العروس مع العريس عند الناس طبعا كانت الملكة عائلية جدا جدا اتمنى تعجبك فكرتي
تحياتي لك والف مبروك عقبال العرس وادعيلي

ياليت بنات تعطونا افكار حق الملكه اللي با البيت لان حتى انا محتاجه لافكار حلوه وابي بعد فكره حق الكيكه شلون يكون شكلها؟؟
ودي تكون صورتي وصورته بس المشكله ماعندي صورته
تكوفون بنات اعطونا افكارر

تسلمون حبايبي الله يسعدكم أجمعين ويرزقك أختي الملكة بالزوج الصالح يارب ويسعدك دنيا واخرة
حبايبي برضا أبغى أفكار أكثر الله يعطيكم العافيه يارب

بنات تكفون محتاجتكم كثير لاتردوني
الله يسعدكم دنيا واخرة يارب

انا اقولك عن ملكة اختي
اول شي سوينا كوشه بسيطه
وكانت الصاله حقتنا كبيره فسوينا طاولات نفس الي بالعرس فيها الشاي والقهوه والمكسرات والمعجنات والحلى
وطبعا العصير
و وزعنا باتشي
بس طبعا كانت بسيطه
وجبنا دي جي
ونزلت على زفه وقعدت شوي بعدين دخل زوجها وصور معها ولبسها
وراحو يقصون الكيكه ودخلو بغرفه يصورون
وكان العشا بوفيه ووزعنا تذكار بسيط
ومبروك مقدما

شوفى قلبي
حطيلك كوشه صغيره ونعومه
وحاولى (لو المكان وسيع) تزينينه نفس زينه الكوشه ولو بتنزلين من درج بعد زينى الدرج
طبعا انا اكره اللى تسوي الكوشه على لونن فستانه متناسيه لون الجلسه او المجلس اللى بتقعد فيه
اهم شي المكان يصير متناسق
انتى تحرصين على لون مسكتك وحاولى تقاربين بين الكوشه والمسكه ولون الجلسه
الصوانى حقت الحلى والمعجنات خليها بنفس ثيم الكوشه
وبدعي بالحلى والمعجنات والعصير والشي اللي بتقدميه مع الكابتشينو
السوفونير خليه قريب من لون فستانك
الكيكه خليها على لون فستانك (وين بتحطون البوفيه؟)
واحلى شي الكيكات الكلاسيكيه خليكى عن صورتى وصورته احسها اولا قديمه وثانيا طفوليه
احلى شي بالورود وتكون قريبه من لون مسكتك
الفوفل احسن حطيه بعلب عالطاوله او استاجرى (افضل)

مبروك

انا بصراحة ديما في مثل هذة المواقف بعد التحضيرات و الترتيبات و الأشياء التقليدية الاخرى....
اهم شي عندي الالتزام بالعفوية و الراحه حتى لا تحسي حالك مكركبه او موتره....
خذي الامور ببساطة
ان شاء اللة التمام على خير لكل فراشاتنا العزيزات