النتيجه هنا اتفضلوا

1. مره خاقه عليه


2. عند القصه من قدام وباقي شعري ويف يعني زي الفلافل بس تكون ناعمه

هاي صباح مساء الخير على الكل
طبعا قبل فتره نزلت موضوع عن الصبغه وكنت طالبه اللون الازرق الى هنا
http:/http://alfrasha.maktoob.com/a...thread1620445/
وكان رد الكل انو اللون الاشقر الرمادي بيطلع عليا حلو وانا من زمان نفسي فيه بس الوالده كانت رافضه الفكره
وقعدة مده احاول معاها ما رضيت الين صبغته وهيا ماتدري طبعا لقية لي كم سبه على كم تلطيش
وعتاب ولوم وزعل بس رضيت بالواقع خصوصا لمن شافت النتيجه
المهم نيجي للنتيجه
طبعا مو نفس النتيجه المتوقعه يعني اللون صار عسلي على برتقالي على اشقر
متدرج صاير
حلو عليا كل البنات خقو عليه وبس يسالون مين سوا لك رحتي فين ايش الالوان وكذا
كبر راسي
بس مو نفس اللون الى هوا حقت المذيعه مايا دياب
المهم انا دحين ليا يمكن شهر من يوم ما صبغت شعري وحخليه شهر لحد مااصبغه تاني يكون وقتها اتحسن وتعدل
لان عندي مناسبه غالي عليا ودايما لمن تكون عندي مناسبه ادخل هذاا المنتدى الاقي طلبي على طول
الخلاصه حبيت اعلمكم وش صار معي وكمان ابغى اغراض صبغة مايا دياب علما اني استخدمت اشقر رمادي فاتح جدا واكسجين 30 % بس وعلبه واحده بس حتى مو كلها لان شعري خفيف مايحتاجها كلها
طبعا انا ابغى نفس اللون حق المذيعه بالضبط يعني ابي شرح ممل بالتفصيل عشان يطلع معاي وزي ماقلت اول لوني حنطي ودحين مع الاهتمام فتحت شوي بس مو مهم لان في المكياج استخدم البرونزي دايما من كريم الاساس
وياريت لو تعطوني رايكم انا راح اسوي فستان لونه بمبي فاقع زي لعب الاطفال

مره خاقه عليه

المهم كيف بيكون على لون بشرتي مع الصبغه وكمان مع المكياج الى راح اسويه
راح يكون شوفتوا رسمه العين الى تيجي خط ومعاه روج احمر بعمل نفس المكياج بدون الروج الاحمر لان عندي لون البمبي الفاقع نفس لون الفستان وحتى المناكير نفس اللون اشترتهم بس باقي الفستان فحابه اخذ رايكم قبل مااسويه وعلى مااعتقد اسم الرسمه مكياج كلاسيكي حق هوليهود
وفكرت اني اروح عند فنانه تشكيليه لان شغلها عجبني وحسيت انها راح ترتبني مع اني افهم في المكياج بس حلو لمن تروحي عند كوافيره يطلع ارتب وانظف وحتى مزاجك يكون رايق يوم الفرح لانك ماسويتي شي يعني مرتاحه
وباذان الله شعري عند كوفيره برضوا بس محتاره مين الافضل ومين الى تعمل الى في بالي راح اسوي بف صغير

عند القصه من قدام وباقي شعري ويف يعني زي الفلافل بس تكون ناعمه

وحلق فضي صغير كم حبه لان خارمه اكثر من واحد وبيكون الفستان من عند الصدر شغل والباقي ناعم ستان كريب والصدر فصوص سبعه الاوان وجاكيت صغير بداانتيل الشبك لو عرفتوه لان مااقدر البسه كذا لاني مليانه ما شاء الله تبارك الله وبصراحه قرفت من الاوان الغامقه بسوي فاتح والى فيها يصير
انا زمان كنت على الفاتح وجتلي فتره بس اسوي غامق بس دحين رجعت للفاتح
ماشاء الله بالرغم من اني مليانه الا انو الفاتح يطلع عليا احلى من الغامق حتى صحباتي يقولو كذا
لمن البس الغامق يقولوا شخصيتك وكلامك في لحظتها يتغير سبحان الله كيف حتى الالون تلعب بمزاج الانسان
السموحه لاني طولت الكلام واتمنى الاقي احد يفيدني