الهدف إلى إزالة 5 كليو لمدة شهر من أجل الوصول إلى الحلم

السلام عليكم ورحمة الله وبركاته
مساء الخير
وش أخباركم ؟؟
..
وش رايكم نسوي قروب ، للي يبغون ينقصون 5 كيلو لمدة شهر واحد.
( وإذا كانت النتائج مرضية نكمل الين توصلون الوزن المطلوب )
يعني مانبغى ننحف بسرعة عشان ما نرجع الدبل
الي حابه تشترك تبدأ معاي من بكرا ، وبالريجيم الي يعجبها ، وبالطريقة الي تعجبها
المهم الشهر الجاي تصير ع الأقل نقصت 5 كليو
وخلوا إرادتكم قوية ، عشان لا جاء الصيف وجت الزواجات والعزايم واللبس القصير ما تصير الشحوم طالعه ، الحين مبسوطين عشان كل شي مستور ههه
ومو لازم تاكلون كثير ، لازم يعني يطلع الأكل من الفم !
سدوا جوعكم بس ، حاولي تحطين حنا بيدك عشان ما تقدرين تاكلين ههه
والله أنا احاول قدر الإمكان امسك يدي ولا اضربها عشان ما اكل
( أنا اموت بالتمر المحشي ، ومعروف انه مو يسمن وبس إلا يخليك كوورة ،
صرت إذا شفته قدامي
اشيله واغير مكانه ولا أنا اقوم من مكاني )
طبعاً مو من أول مره بتقدرين ، ذاك اليوم بغيت اصيح
وراحت الإرادة وجلست اكل ، يأست ..
بس بعد ما آكل اعاتب نفسي ليه اكلت ؟ باموت يعني لو ما اكلت ؟؟
ويزيد القهر إذا شفت وحده نحييفه وتاكل أكثر مني !!
بس الحمد لله مع الوقت اقتنعت انه لكل شخص جسم مختلف عن الثاني
وتختلف قابلية إمتصاص الدهون من شخص لآخر وكذا ..
صدقوني يا بنات بالبداية التعب بيكون موجود لكن بسيط ومع الوقت بيخف
تصيرين تشوفين الحلويات والأكل المشبع بالدهون وكأنك تشوفين صحن فاضي ولا يهمك امره .
الهدف الأول والأخير الوصول لجسم رشيق ، خلونا نقهر العذال ولا نخلي لهم فرصة يتشمتون فينا.
المهم ، بإذن الله بكرا البداية ،
ابيكم تعطوني النتائج بتاريخ 10- 2 - 2009
مع السلامة

• * تعديل

( حصلت نظام حلو الي عاجبها تسويه ، مو شرط لكن هذا من الإقتراحات )
بسم الله النظام راح يكون :
1- بعد الساعة 6 بالليل نوقف اكل
2- رياضة مدة ساعة ونص أو ساعتين ، متفرقه أو متصله
3- الإبتعاد عن الأكل المشبع بالدهون
4- الإبتعاد عن الحلويات ، أو اكلها بكميات قليلة
( مثلاً جيبوا ام اند امز ، وكل يوم خوذي حبة وحده )