الى كل من تعاني شح الرومنسيه في بعلها تعالوا ياحريم عندي حل خورافي ومجرب

صباحكم/مسائكم خير على كل اللي شرفوا موضوعي
شخباركم ياحريم واخبار السوق معاكم ودوشة الملابس والمشاغل اللي ماتخلص
اي صح نسيت ابارك لكم مقدما واقول كل عام وانتوا بخير ورمضان كريمم علينا وعليكم
ام بعد وش بقينا فيه <<< بدت التخاريف
ايوا ذكرت مير اني لي مدة طويله وانا اقول في كلامن بقلبي يقرقع وقلت مافي الا الفراشات الجميلات اللي اقولهم هالكلام اكود وحده فيهم تستفيد <<<اي يصير خير
الاحظ بكثره في هذا الزمان<<<اوخص ياللغه العربيه
انا القضيه السعوديه الرجاليه الحربيه في قتال مستمر مع القضيه الحريميه الرومنصيه
والسبب الرئيسي هو مطالبة الدوله الحريميه من الدوله الرجاله زياده في المشاعر والرومنصيه وارتفاع اسهم الورود والهدايا <<<سوق الاسهم
ندخل الان في عمق الحرب لنتعرف على اهنم التفاصيل
مير انا واعوذ بالله من كلمة انا قاعده اشوف ان ثلاث ارباع الحريم اذا ماكان كلهم يشتكون من ازواجهم الخشنين اللي مايعرفون ولاذره من الرومنصيه ولا يفهمون بحتياجات المرأه العاطفيه
وحده تقول زوجي ماعمره قدم لي هديه الا اذا طلبت منه
والثانيه اصلا مايجيب لها حتى لو طلبت ويقول لها >>مفلس الحين ماعندي اشتري لك شي
وفي روايتن ثانيه من بعض الحريم تتمنى مجرد الامنيه ان بعلها الكريم يحس على دمه ويجيب لها بعضا من الورود الحمراء والبيضاء واللي يبغيه اهم شي ورود لاكن لاحياة لمن تنادي
وفي حريم قليلات اللي طماعين واجد واحلامهم مير انها للسما واصله ههه تتمنى انا بعلها في يوم من الايام يكون الفارس المغوار ويفتح لها باب السياره عشان تركب مثل الافلان والقصص
طبعا لو تقوله افتحي لي الباب ياحبيبي بيقولها (ليش ماعندج يدين) مالت عليك الا مالت مسكينه هالحرمه تبي تحس انك فارسها الجميل مير انك ماتستاهل
وغيره وغيره الكثير الكثير من القصص والاقاويل والروايات التي يشتكي فيهن الحريم من كثرة رومنصية ازواجهم كح قصدي من ششح وجفاف رومنصيه ازواجهم من كلشي من الكلام والهدايا والكثير
طبعا الحل مع هذا الجيش الرجولي قصدي مع بعض هذه الازواج صعب جدا وفي بعض الروايات مستحيل اصلا يتغير او حتى يفكر مجرد التفكير بالتغيير
فانا عندي حل سهل ومفيد وفيه فيتامينات ومعادن وخالي من الكلوسترول المضر بالصحه
وراح نقدر نطلع شعب سعودي كامل بقمة الرومنسيه <<<ترى احلامها حيل كبيره
طبعا ادري انا كلكم الحين عويناتكم صارتنت كذا
وتنتظرون على احر من الجمر هذا الحل والدواء الذي ينقذ الدوله الحريميه من هذا الوباء والشح بالرومنصيه
طيب طيب ياحريم لاتستعجلون على ارزاقكم
انا نظريتي تقول اللي اهي طبعا مقتبسه من نظرية البرت انشتاين <<< مير انا الخبله خبله ماتعقل اسكتي انتي وجهك
انا احنا نربي اطفالنا وفي روايه ثانيه ورعانا وفي روايه اخرى بزرانا على الرومنسيه الكبيره
والله انا هذا الحل راح ينتج جيل من دوله رجاليه ودوله حريميه تعم بالرومنسه والهدوء والاطئنان
احنا يامعشر الحريم لو حاولنا نربي اولادنا عالرومنسيه من نعومة اظفارهم <<<رجعت للعربيه
كان شفنا ان اغلب رجالنا رومنسين لان هالشي في نسبه من التعود والبيئه يعني
لو مثلا عندك ولد في مقتبل العمر يعني ممكن عمر 7سنين وصار مثلا مناسبه لاخته واهي مثلا نجاحها روحي انتي معاه محل الورد وخليه يدخل معاج ويختار لاخته الورود اللي تعجبه وياخذهم لها ويقول لها مبروك النجاح بتشوفين كيف الفرحه بعيون اخته كيف
لو مثلا طحتي واستمرضتي اسملى عليك علميه انا واجب يجي يبوس راسك ويطمن عليك ولو كان عمره يسمح يدخل يسوي لك عصير برتقال او حتى يجيب لك كاس ماي ويقولك سمي يابعد عمري الله عاد انتي بتشققين من اللفرح حريم ينقص علينا
حاولي انتي بالبيت تعودينهم عالكلام الحلو وتخلينهم يتعودون والله اني اعرف حريم مايعرفون الكلام الحلو عرف مع عيالهم ابد وبعدين يشتكون من قلة الرومنسيه طيب هذا انتي مو قاعده تربين عيالج عليها
لاصار وقت الغدى قولي يلا قوموا ياحياتي نتغدى لاصار مناسبه تسلمون ياحياتي وياعمري وياقلبي وياكل دنيتي والخ وغيرها من الكلمات اللطيفه اللي لو اسمعوها دايما راح اهم بعد يتغيرون
حظنيهم بين فتره وفتره حتى لو كانوا كبار في العمر وبخاصه اذا كان عندك ولد كبير لاتقولين استحي مافي حيا من الام ولدها حظنيه وقولي له اشتقت لظمتك يايمه اهو بالبدايه ماراح يتقبل بعدين راح يتعلم ويجي اهو يحظنك
لو كنتوا طالعين للسوق قولي له شرايك نشتري لاختك بلوزه من ذوقك او عطر او اي شي راح يتعلم يشتري هدايا وراح يرتقي ذوقه بهالاشيا
وطبعا في حلول كثيره وانا اعرفكم مير انكم اذكيا مايحتاج لكم تفهيم بعد تفهموها واهي طايره بالسما ياحبني لكم
وطبعا ادري انا الحين في حريم ممن دخلوا موضوعي اولادهم مايعرفون شسمه هذا محل الورد ولايعرفون حتى وشهو الورده<<<مبالغة الحريم
ولاعمره دخلو مع امهم وشروا هديه ولا سمعوا كلمه حلوه الا من التلفزيون وبعيدين كل البعد عن الرومنصيه
فمن هذا المنبر اناشدكم ياحريم الفراشات ان كل وحدتن فيكم تربي اولادها وبنتها على الرومنصيه والكلام الحلو والهدايا عشان المره اللي بتاخذ ولدج تترتاح ولاتنعاد ماساتك مع شح الرومنصيه عند ابو العيال معاها والرجال اللي بياخذ بنتك هم يرتاح
ونطلع جيل كامل من الشباب والبنات السعوديين الرومنسيين والشاعريين ويصير الطلب على الورود والهدايا يزيد وترتفع الاسعار <<شدخل
وفي النهياه اقولك انا اصابعي مير انها تكسرت واهي تطقطق على هذا الكيبورد عشانكم يافراششات فلا تحروموني من ردودكم الحلوه مثل الورود وتكملون النقاش في مابينا
وحبيت اعطيكم معلومه نهائيه اني انا اصلا بنت وحابه انكم تربون عيالكم عالرومنسيه لاني نفسي اخذ واحد رومنسي وموب لاقيه لولز<<<<مصلحه
والسلام خير ختام <<<مابغت تخلص
((الحقوق محفوظه لي الدنيا حلوه ولاتسمح بنقل عرق جبينها ههه))