الياسمن و الغار ليونة لأطراف الشعر و تقليل للتقصفات و تفتيح و بدون تكثيف

السلام عليكم و رحمة الله وبركاته
فراشات المنتدى حبيت احكى لكن على تجربتى الشخصية فى إستخدام شامبو الغار و الياسمين
طبعاً ان كنت عارفه إنه بيحتوى على بروتين ليفى يخلى الشعر أنعم و يقلل التموجات و يقلل التقصفات
و يخلى أطراف الشعر لينه أكثر .......... و أهم حاجة للى عايزه تفتح لون شعرها بشكل طبيعى
الحقيقة انا مش محتاجة أفتح لونه و لا عايزه و الحمد لله .......و كنت متخوفه فى البداية من الموضوع دا
لكن مالقيتش أنسب من هذا الشامبو علشان أرجع الحيوية لشعرى تانى و من غير ما يكثفه ولا يثقله اكثر من كدا
و من اول مرة جربته و أنا شايفة فعلاً أطراف شعرى أصبحت لينة و نضرة أكثر من الأول
يمكن دى أول مرة أتكلم فيها عن تجربتى مع أى منتج ...لكن حبيت اقول إن فعلاً شامبو الغار نتايجته حلوة و بانت من أول استخدام و الحمد لله
دا غير إنه بيترك رائحة ياسمين حلوة فى الشعر ...... طبعاً أكيد اى واحدة عارفه إن الدليل على أن الشامبو نسبة الزيوت إللى فيه عالية و نقيه هو إن الرغوة عادةً بتكون أقل من رغوة أى شامبو آخر
و فعلاً و الله اول ماستخدمته حاسيت إنه غنى بالزيوت و مش مجرد شامو للتنظيف مثلاً أو الترطيب بس
طبعاً مجموعة الغار كلها ماجربتهاش لأنى مش محتجاها قوى
يعنى كريم الغار مثلاً ....... دا للى عايزة تفتح لون شعرها بشكل طبيعى و كمان يستخدم ككريم يومى للشعر
بلسم الغار أعرف أخت لى فى الله بتستخدمه و بتقول حلو جداً و بيترك الشعر أنعم و نصحتنى بإستخدامه و يساعد طبعاً لأنه بيحتوى على نبات الغار على تفتيح لون الشعر
و دمتن فى رعاية الله