انا مدري متى رح اتوب من اللقافه الزايده

السلام عليكم ورحمة الله وبركاته كيفكم حبيباتي وكيف ايامكم الله يجعلها كلها خير في خير سالفتي زي ما قلت في الموضوع انا مدري متى اتوب من اللقافه الزايده امس كان زوجي معزوم على العشاء عند واحد من اصدقائه المهم الرجال بدا يستعد للعزيمه دخل دورة المياه الله يكرمكم يتروش وترك الجوال في الغرفه عندي اكيد رح يتركه اجل يدخل به معاه وهنا المهم وانا جالسه في الغرفه والرجال منهمك يتروش الا يدق جواله طبعا زوجي من المحرمات عنده اني اقرب من جواله ههه لانه عارف اني ملقوفه ورح ازعجه على كل حاجه واسأله فيها ولى هو مشاء الله عليه مو راعي حركات ابد المهم وهذا اهم شي في السالفه دق جواله
شف الاسم ابو ..بعدين اسم القبيله وهذا اسم ابوي قلت يابنت اتركيه الحين يطلع ويرد سكت بعدين دق مره ثانيه قلت لا الى هنا كفايه ابوي مصر عليه اكيد فيه حاجه ردي يابنت هذا عقوق تشوفي ابوك يدق وتطنشيه توكلت على الله ورديت وهنا الطامه الكبرى طلع ماهو ابوي طلع الرجال الي عازمه وانا مادري شسوي اسكرها اكمل قلت خلاص يابنت رح يموتك رح يموتك فكملي المكالمه لاياخذ الرجال عنك فكره شينه ولا يحضر العزاء ههه بعد ما يقتلني زوجي سأل عنه وكان مستغرب ان اللي رد عليه مره(زوجته) ههه (صديقه وعارف طبعه) قلت شاقول لابد اضبط الوضع قلت طلع ونسى الجوال قال طيب وسكرها وانا
وقعت افكر وش اسوي وش اسوي ولازم اقوله قبل يروح لان اكيد الرجال بيقوله فلا بد ان تكون عنده فكره وهو خلقه عصبي جدا وحار وشديد في هذه الاثناء طلع وبدا يلبس وانا قلت له حبيبي فيه موضوع مهم ابي اقوله لك قبل تطلع قال بعدين اذا جيت قلت لا الحين الموضوع مهم وانا قال طيب كمل لبسه وجلس قال خير قلت موضوع بسيط قولي قلت بسألك سؤال ابوي ايش اسمه ابو ايش طالعني ومعطلتني علشان كذا قلت لا لازم تقول لي قال طيب ابو ...وقبيلته قال ... طيب اجمعها مع بعض قام وقال بعدين مع هذه السخافه ادخلي في الموضوع وبدا يعصب قلت اوعدني ماتزعل ولا تعصب قال طيب قلت اللي صار... اعذرني انا مادري حسبته ابوي قام معصب وزعل وهزاني ياقليلة الادب ياقليلة الحيا من متى تردي على جوالي وعلى مين صديقي شو يقول عني اللحين انا بديت ارتجف واعتذر وهو معصب بغا يمد يده علي من القهر لكن تعوذ من الشيطان وقال لو منتي حامل كان والله لاكسر راسك ويدك وعصب كثير كثير وطلع وانا قعت ابكي من جد هزئني تهزيء صحيح انا غلطت لكن مو لهذي الدرجه الي سواها فيني وبعد ساعه تقريبا قلت رح اعتذر منه ارسلت له رساله مارد جلست الين رجع قلت الحين يرجع مروق اعتذرت منه مره ثانيه طنشني ولا رد علي ونام ومن امس ماكلمني ومطنشني مادري شو اعمل معاه انا ماغلطت لذي الدرجه واعتذرت منه ومو راضي يقبل اعتذاري شورو علي ايش اسوي معاه مره زعلان