انا مطلقة او لاء يمكن عندكم الاجابة

كيفكم جميعا
انا عند اهلي ومابعرف اذا كنت مطلقة شرعا او لاء نفسيتي محطمة ومالي عرفانة منين بلش
مر الاسبوع الثالث وزوجي ما عم يحرك ساكن بعد ما تركتو
والسبب بساطة لاني بدي احكي مع امي وابي هاد ذنبي
حلف يمين طلاق وقال بتكوني طالقة اذا بتحكي مع ابوكي من غير اذني
عشت بصراع فظيع لا يعلم به الا الله كمشت حسبي الله ونعم الوكيل والاستخارة
كانت معاملتو معي ناشفة ولئيم وكاني قاتلة حدا من عيلتو
بس بدو ياني قاطع اهلي والله بلا سبب
قلتلو شوف يا ابن الحلال انا مارح احكي مع اخواتي وما بروح على بيت اهلي ورح قاطعون وبسايرك بكل شي الا امي وابي
مالي غيرهم بالدنيا وهو بيعرف هاد الشي
قال مستحيل انا اهلك ما بدي ياهن انتي بدك ياهن روحي لعندون انتي وابنك ومالي سائل على شي المهم
بعد يمين الطلاق يلي حلفو بيومين صليت استخارة ودعيت ربي يلهمني الخير ودقيت وحكيت مع ابي بعد صراع نفسي لا يطاق
وعلى فكرة سالت شيخ وقلي اياكي تقاطعي ابوكي او امك وحتى اخواتك لا طاعة لمخلوق في معصية الخالق وقت قلت لزوجي شو قلي الشيخ قلي اي روحي خلي يتزوجك الشيخ جرحني كتير
قلتلو انا بقدر احكي مع ابي وامي من وراك وبدون ما تعرف بس انا ما بسرق حقوقي سرقة انا من حقي هاد الشي رفض
والله والله والله مافي ذنب بس لمجرد ما بدو اهلي وعلى فكرة انا ما صالحت بابا بعد قطيعة دامت 4 سنوات الا من 8 شهور بعد ما نذليتلو وترجيتو حتى رضي لزوجي يعني
استغل ضعفي كتير ليقوى تركتو ومشيت قلي ما بتاخدي ولا قطعة من تيابك ولا ذهبك روحي عند اهلك متل ما اجيتي بلا شي بتروحي بلا شي وورقة الطلاق بتوصلك ولحد الان ما وصل شي
ومالي عرفانة هل لما كسرت يمنو وحكيت مع بابا اعتبر اني اطلقت
السؤال يلي ما عم اعرف اجابتو انا مطلقة او لاء
يا ريت تساعدوني بحل مشكلتي لانو نحن لبعض وباذن الله متل اختكم