انا وزوجي وحماتي

1. زبدة الكلام اختي الفراشه


2. اطلب من اي فراشه تحس ان علاقتها مع عمتها مو على مايرام

انا استغرب يابنات من المواضيع اللي دايما تظهر العمه او الحماه على انها شريره ومتسلطه وتحاول تسيطر على ولدها او تحاول تخرب زواجه
يمكن تكون هذي الفئه موجوده بس انها قليله ولا تذكر , ما فيه ام في الدنيا تتمنى تهدم حياة ابنها وتدمر سعادته , والله يابنات ان الامهات هم البركه والخير والخبره وهم صمام الامان خاصة في بداية الحياه الزوجيه , لكن في المقابل لازم على البنت ما تعتبرها منافسه لها ولازم تبدي لها الاحترام والتقدير وما فيه مانع تشاورها في بعض الامور حتى تحسسها باهميتها في حياة ابنها الجديده ,
في بدايه الزواج لو سكنت البنت مع زوجها في بيت مستقل اكيد ذهاب الابن لبيت الاهل ما راح يكون مثل قبل الزواج بسبب العمل والواجبات الجديد وهذا الشي اكيد يحز في نفس الام وهنا ياتي دور الزوجه انها تذكره دايما بزيارتهم لو حست انه مقصر , الهدايا لها وقع السحر في النفوس , يعني شوية عطور شويه دهن العود بين فترة وفتره هذي راح تقربها منك وتحببك في عين زوجك

زبدة الكلام اختي الفراشه

لا تتاثرين باللي تشوفينه في المسلسلات والافلام ترى والله مع احترامي للجميع الروابط الاسريه في الخليج عندا غير وغير وغير , ودايما تذكري ان امه اغلى منك عنده مهما كان حبه لك , ولا تحاولين توصلين لنفس المكانه في قلبه لان في اللحظه اللي تصيرين انتي اغلى من امه هذا معناه انه ما عاد فيه خير لك ولا لاولادك ز

اطلب من اي فراشه تحس ان علاقتها مع عمتها مو على مايرام

انها تشتري لها هديه بمناسبة العيد وتفاجاها بها وتسلمها الهديه في حضور اشخاص ثانيين مثل زوجها او بناتها مع كلمه حلوه مثل : والله ياعمتي انا ذاك اليوم في السوق شميت هالعطر قلت في نفسي والله ما يستاهله الا انتي يا عمه,
تتذكرها بين كل يوم والثاني بطبق حلو من صناعة البيت مع اتصال : عمتي ذوقي هالطبق وابغي رايك فيه
صدقوني الجبال اللي بينكم راح تنهار وراح تشوفين لو صارت مشكله بينك وبين زوجك لا قدر الله راح توقف في صفك وبيكون ابو الشباب بروحه واقف بدون جمهور ههه
الله يسعد ايامكم جميعا ويطرح البركه في ذريتكم ويخلي لكم ازواجكم والسلام