انا و المفتاح ساعدوني

وردة براءة

31-12-2022 - 10:45 am

بنات تكفون ابغى رأي و مشورة..
أنا ساكنة مع أهل زوجي بنفس العمارة..
و أمه من النوع المتسلط والي يسبب مشاكل دائما بدون سبب.. ماراح أفصل بأختصر لكم الوضع عشان تفهمونه..
جاني ظرف صحي ورحت لاهلي شهر..
و احتجت يوم أروح لبيتي مع اخوي و جيت أفتح الباب الخارجي للعمارة لقيتهم غيروا الكيلون..
صرت أتصل على ام زوجي و اخته ووقفت بالحر أنا و اخوي نص ساعة أتصل ولا أحد يرد..
رجعت بيتي قلت أقل شي اذا كانوا فعلا ما شافوا اتصالي بيردون يتصلون الليل لاني داقة كثير اقل شي ينفجعون يتطمنون؟؟؟
و طنشوني من بعدها ما رفعوا علي سماعة..
ما حبيت أكبرها قلت لزوجي سكت و ماسوا شي..
المهم هو الحين بيسافر خارج مدينتنا أسبوع..
قلت له طبعا أبغى مفتاح عشان اذا احتجت بيتي اروح..
قال امي الكيلون الجديد الي ركبته ماينسخ منه الا 3 نسخ فقط..
و أنا مامعي نسخة..
قلت طيب دبر خذ منهم نسخة انت الولد الكبير كيف تجلس من دون نسخة؟
قال عادي مو لازم ..
أنا تجننت قلت واذا احتجت انا بيتي وانت مسافر..
قال اصبري لين ماارجع..
وانا شايفة انه من حقي ادخل بيتي وقت ماابغى وهو مسافر؟؟؟؟
ساعدوني بانجن..
هو معاه حق ولا أنا؟؟؟؟؟؟؟؟؟؟ علما بان امه ماراح ترد علي لو دقيت..

التعليقات (9)

أنين اروح

31-12-2022 - 01:05 pm

الله يكون في عونك بس لازم تصري عليه ينسخ لك يمكن تحتاجي شي ضروري موفقه ان شاء الله

ناعمة مرة

31-12-2022 - 02:06 pm

هم يحاولون يستفزونك عشان كذا نصيحة لوجة الله لا تعطينهم الي يبغونة وتطنيش ولا كأن صار شي أبدا أبدا أبدأ
ولاتتصلي مرة ثانية أبدا
( أحسن دواء للي يحاول يستفزك أحقرة )
واذا قابلتيهم خليك طبيعية ومطنشة ولا كأن صاير شي
وبالنسبة لزوجك حاولي فية انك تحصلي على نسخة بالأقناع مو بالصراخ وحسسية انك متضايقة شوية
واذا رفض مالك الا انك تصبرين الين يرجع
والله يعينك على ما ابتلاك

وش تحسون فيه؟

31-12-2022 - 03:07 pm

بايخه امه ورده هو ابيخ
وش ذا !!
طبعا انتي معاكي حق حتى لو ماكنتي تحتاجين شي ببيتك بس من حقك يكون عندك نسخه !!
اذا جيتي بتروحين كلمي امه البايخه قبل بيوم قولي لها بجي بكره الصباح مثلا
ع شان تعرف وتستحي ع وجها وتعطيك نسخه او تفتح لك ع الاقل
الله يعينك

Hawai

31-12-2022 - 04:08 pm

رايي من راي ناعمه ..
احسن لاتسوي مشكله لنفسك ...طنشي ..عشان لاتكبر ..وخلي الي براسهم يطييح ..

جوري الفراشه

31-12-2022 - 05:09 pm

الله يعينك

*غــــــرور الصــــــمـــت

31-12-2022 - 06:10 pm

حبيبتي حاولي تخذين اغراضك اللي تحتاجينها كلها يعني مافي داعي تروحين بيتك وزوجك مو فيه لانه واضح يبغون يقهرونك بس انتي طنشي ولا تحتاجينهم في شي والله يكون في عونك

امراة بلا حدود

31-12-2022 - 07:11 pm

انا كنت عايشة بوضع مشابه بس انا بالاخر طلعت من عندهم وريحت راسي
وانتي لو ما كان جوزك بيعرف شي ما كان بسكت عللي صار
فكري وقرري

العيون الاسيرة

31-12-2022 - 08:12 pm

مالج حل غير تنتظرين رجوع ريلج ويتفاهم وياهم
بس اختي انتي الحين ما يبوج تدخلين بيتج يعني
تقعدين فبيت اهلج لين يرجع ريلج ؟؟
اذا مايردون على اتصالاتج
قولي حق امج و أحد من خواتج وانتي على أساس بتروحون
زيارة بيتهم وقدام اهلج طلبي المفتاح منهم قولي انا محتاجة اغراض وهيه بتستحي
من اهلج وبتعطيج او من دون زيارات امج بدق عليهم بيستحون منها وبيعطوج واذا عصبو
على الحركة قلتي لاهلج وقالو لريلج قولي احتج اغراض وهم مايردو عليي شو اسوي
وانا محتاجة الاغراض ضروري وانا مو طالبة نسخة مفتاح بيت الجيران مفتاح بيتي
وانتي ما سويتي غلط هذا هو الصح بس يبي جرأة لمتى بتسكتين اسبوع شهر سنة
هم وراج وراج والزمن طويل خ الله يكون بعونج يارب

ضباب تحت السحاب

31-12-2022 - 09:13 pm

ياعمري الله يعينك
ادعي ربك وتحسبي عليها واتركيها لاتناقشينها
هي تبي المشاكل وبس

هل المرأة انسان بقلم أحمد الشقيري←
مو عارفه وش اسوي مع زوجي→