انا يالمتزوجه بنصحكم عن ليلة الدخله

بسم الله الرحمن الرحيم....
السلام عليكم ورحمة الله وبركاته...
جرح-- نزيف -- شفت الموت بعيوني -- عذاب -- ماقدرت امشي -- يطلع صوت -- تنزل قطعه --.....الخ
اسالكم بالله مافيه وحده منكم قبل زواجها سمعت بهالكلمات اللي توصف موضوع العلاقه الخاصه
اكييد كل وحده سمعت بوحده من هالكلمات بتجيها ام الركب وبتشيل هم وبتخاف وتقلبها مناحه انا اللي متزوجه ولي سنتين
اكتب هالكلمات وانا مرتااعه ....
اول شئ مشرفاتي الحبيبات اتمنى الموضوع مايغلق لانه مهم ولاني والله رحمة العرايس اللي كل شوي منزله موضوع
عندنا بقسم المتزوجات وربي قلبي معهن
مشرفاتنا الحبيبات اذا فيه الفاظ خارجه عن المالوف او خادشه للحياء تفضلوا وعدلوا فيها او احذفوها لكن لاتحذفوا الموضوع
لكم حرية تعديل الموضوع انا بس ابي اريح اعصابهن واكسب الاجر من الله
بسم الله ابدا...
بسم الله اعرفكم على نفسي :
اسمي : غيوض..
متزوجه لي سنتين وشوي ... عندي طفل
موضوعي يخص فقط ليلة الدخله واللي كثر فيها الكلام والتهاويل والخزعبلات...
راح اكلمكم بحكم اني مريت بهالشئ وبكلمكم بالعامي احس اسهل لدخول القلب...
عرايسنا الحبيبات كل ماسمعنوه من تهاويل عن هالشئ مبالغ فيه ... وش هدف الحريم الله يسامحهن بس...
اكيد كلكم مرعوبات وخايفات وكل ماقرب يوم الزواج تجيك حالات تقولين خلاص ببطل منب متزوجه..
واغلبكم بسبب موضوع الليله الاولى....
انا يسالوني بنات بالخاص يقولون نسمع عن هالليله يصير دم واجد.. واللي قالت يطلع صوت طقه....
واللي قالت ينزل قطعه زي اللحم... انا اقرا وانا مو مصدقه وش هالتهاويل
قسم بالله حسيت ان سكين اللي دخلت مو .....
ترى الموضوع سهل ياحبيبات قلبي ... ادري انكم مرعوبات وخايفات وتبون اللي يطمنكم ويهدي بالكم ويكذب الكلام اللي تسمعونه وتقرونه من البنات...
وودكم تستفسرون لكن مالقيتوا احد بحكم جراة الموضوع وحياء البنت..
لكن انا جيتكم وبكل قوه وثقه اقول الموضوع مايستاهل اكبر من حجمه...
نبدا نمسكها نقطه نقطه...
جرح: لامو جرح الموضوع عباره عن شعيرات دمويه تمزقت فقط ... كيف غشاء البكاره مثبت بمكانه كيف عن طريق شعيرات دمويه
سمكها مثل شعر الراس واخف يمكن هي اللي تتمزق وبالتالي ينزل نقط الدم
الالم ..... اكيد فيه الم بس الم الموت او بغيت اموت لا والله ........ او مافيه الم نهائي وماتحسين بشئ
لا والله
الالم الم طبيعي زي كل الم بالجسد مافيه شئ يصير لك بجسمك من دون الم... لكن الم بالمعقول وعادي
مايخوف ولا شئ...
النزيف : النزيف يجي من الزوج الهمجي المتخلف وهذا كان سابقا ماكان فيه ثقافه عندهم لكن شبابنا ماشاءالله
عندهم خبره التلفزيون ماقصر الجرايد والمجلات ماقصرت الدكاتره والاستشاريين ماقصروا ... الكل تكلم بهالموضوع
وصار عند الشاب ثقافه
لكن اللي يصير انواع اما تجيك حالة عروس نزل منها نقط .... او تجيك حالة عروس نزل منها دم خفيف... او تجيك حالة عروس
مانزل شئ بسبب نوعية غشائها(الغشاء المطاطي).... او تجيك حالة عروس نزل منها لون زهر وهذا نقطة دم اختلطت
بالافرازات وماء الرجل وصار كذا لونها او حتى يمكن ماتشوف لون دم
الصوت والطقه والقطعه اللي تنزل
::: لااساس لها من الصحه خزعبلات خزعبلات...
طيب نجي للاهم :::
عرايسنا باحاول اكون واضحه وشوي جريئه علشان تاصل لكم الفكره وان شاءالله مااتعرض للتوقيف او حذف الموضوع
طبعا نصيحه مني لكم استخدموا اسلوب الايحاء والعقل الباطن وهو كالتالي..
قبل زواجك باسبوع بكم يوم اللي انتي حابه اقنعي نفسك واقنعي العقل ةالعقل الباطن بسهولة الموضوع
يعني كلمي نفسك وقولي: الموضوع سهل ... مافيه شئ يخوف ... الحمدالله اللي كنت خايفه منه طلع كلام فاضي..
كلها مجرد عمليه سهله وخلاص ... انا قادره اخلي الليله تعدي مثل الحلاوه
بس كل اللي علي استرخي اهدي اعصابي اتجاوب مع زوجي ومع كلامه واوامره...
خلصنا من هالنقطه
طبعا جاء يوم الزواج دخلتي بيت الزوجيه جلستوا وضحكتوا وجت ساعة المتعه والخوف
الموضوع مو دش وخلاص لا بيصير فيه مداعبات من قبل الزوج تبويس .....الخ
وكلام غزلي حاولي تتجاوبي مع زوجك ليه علشان الرحم يستثار ويبدا يفرز افرازات هالافرازات بتساعد على موضوع العلاقه وبقوه..
وبتسهل عملية الدخول من دون صعوبات..
طبعا وصلنا للنقطه الهم الدخول والايلاج : كوني مرتاحه مسترخيه ارخي عقلك وارخي جسمك كامل..
لاتشدي نهائي ابعدي عن الشد والصراخ والبكاء خليك لينه معه سهله رخوه طبعا معروف بيكون الوضع المراه
على ظهرها والزوج مقابل لها انتي خليك ريلاكس كانك جسد من غير روح ارتاحي ارتاحي ارتاحي
وحلو لو تتجاوبين مع زوجك على خفيف علشان عقلك الباطن يرسل اشارات للعقل ان الموضوع سهل وممتع عكس اللي تصورته وبكذا
بتلقين الموضوع خلص من دون تعقيدات
عرايسنا المسؤوليه العظمى والهم الحقيقي مو عندنا لا عند الزوج لانه هو المسوؤل عن العمليه بكاملها
فتلقينه شايل هم لان بنظره اني يااما احببها بالعلاقه من اول مره او اكرهها فيها من اول مره
فبتشوفينه هين لين معك مراعي خوفك..
خليكم ريلاكس بذيك اللحظه لان زوجك لاشافك مرتاحه ومستانسه بيسهل عليه الموضوع وبيروح عنه التوتر
والخوف وبيقدر يساعدك على اجتياز العمليه بسهوله تامه..
تجاوبوا معهم اذا كان يسولف معك وانتوا بذيك اللحظه ردي عليه وجاوبيه اذا تغزل تغزلي فيه اذا طلب منك شئ نفذيه لان ماطلب منك شئ الا
لان هالشئ بيساعدكم تكونون زي الحلاوه ويا بعض بلحظة الدخول...
طبعا ممكن تستخدمون اسلوب ثاني للتخفيف من توتر ذيك الليله..
الهي نفسك بلحظتها بشئ ثاني يعني زوجك الان جالس يحاول وانتي خايفه ومتوتره وموقادر تسترخي روحي بفكرك بعيد
فكري باي شئ مثلا بكره بتمروا تسلموا فكري وش بتلبسين ووكيف بتظبطي شعرك والميك اب
او بتسافرون فكري ايش بتلبسي للطريق وايش بتسولفي معه
فهمتوا روحي بخيالك بعيد خلي جسمك مع زوجك وعقلك بخيال ثاني..
بذيك اللحظه من تبدا المداعبات بسرك اطلبي التسهيل والتيسير من الله واذكريه
والله يابنات انا جربتها هالحركه قسم بالله حلفت اني كنت مسترخيه ومرتاحه وماشديت نهائي وكنت لينه معه وطول
الوقت اذكر الله واموري صارت تمام عكس كل التوقعات لدرجه قلت وين الكلام اللي كنت اقراه واسمعه
نصيحه ياعرايسنا لاتشدون اختي متزوجه لها ست سنين كانت شاده ومتوتره وخايفه وجسمها من تحت كله
شادته افخاذها والساق وكل شئ والى يومكم هذا مو متقبله العلاقه وتخاف منها...
انا من قبل مااتزوج وانخطب اقرا عن الاسترخاء وازرعه بعقلي ولا قريت عن الالم والدمامين اقول نصب ولا اقتنع فيه
والحمدالله وربي ان ليلتي من احلا الليالي ومرتاحه
بالنسبه للتكرار يعني بعض الحريم تقول المفروض من بعد المره الاولى تجلسون يومين بعدين ترجعون طبيعي
هالنقطه ماادري اذا معلومه صحيحه المفروض المنطقه تجلس يومين ولا لا
حسب تقبل الرحم والمنطقه يعني انا الحمدالله بفضل من الله امور في السليم
يعني كنا اكثر من مره ويوميا وماصار شئ ... الحمدالله
يعني اذكر يوم كنت ابحث في النت بكلام الدكاتره مااذكر اني قريت دكتور قال عن هالنقطه
الغسولات:: انا والله اول مره تروشت ومااستخدمت الا كان موجود بدورة المياه قال لي زوجي استخدميه
جل استحمام للبشره الحساسه من ديتول استخدمته من برا فقط
وصرت كل مااتروش استخدمه من برا فقط حتى زوجي يستخدمه
والحمدالله امورنا في السليم... يعني خلوا معكم غسول اذا حابين
والافضل بنظري غايا - استخدمته وحلو الطبيبه نصحت فيه لانه خفيف يعني للاستخدام العادي
للي مافيهم التهابات وفطريات
سيباميد - كير فري كثير بنات يمدحونهم انا والله ماجربتهم
نصائح عامه :
اول اسبوع ابعدوا عن الجنزات اللي ماسكه بقوه على المنطقه خاصه اذا جلستوا يعني اي لبس لبستيه ولاحظتي اذا جلستي ماسك
وضاغط من تحت غيريه خلوكم على التنانير والاشياء الواسعه بس اسبوع وبعدين ارجعي البسي اللي تبين..
شهر العسل كثروا شرب مويات وسوائل وربي هذا كلام دكاتره ابحثوا فالنت وبتعرفون..
كثرة السوائل تخليك تحتاجين دورة المياه وانتوا بكرامه وبالتالي كثرة الحمام تخلي الرحم يطلع اي بكتيريا بالرحم او المنطقه
ان شاء الله فهمتوا وكمان ايام ماكنت ابحث بهالموضوع طبعا انا بحوثي طبيه يعني كلام دكاتره
كانوا يقولون ان الاغلبيه من النساء تتعرض لالتهابات اول الزواج وهذا طبيعي والسبب ان المنطقه حصل فيها تغيرات وكذا
وبسبب العلاقه الخاصه لكن لتجنب الالتهاب المويه الكثييره والعصيرات
لكن اللي مو طبيعي الاهمال وحبس البول وانتو بكرامه وانقطاعكم عن السوائل بالتالي يصيب المراه التهاب
وهي مو حاسه بنفسها وبعد الزواج بكم اسبوع تحس بالم عند التبول وبالخاصره وعند الجماع واذا كشفت صار فيها التهاب بس تطور شوي
وفعلا صار مع اختي وكثير من بنات اعرفهم هم اللي حكوا لي...
تجفيف المنطقه كويس لانكم بتكثرون من روحة الحمام...
وفي الاخير انا ماكتبت الموضوع الا لكم ياعرايسنا ابي اطمنكم ترى اللي تسمعون كلام فاضي
واللي تبي تنقله لمنتديات ثانيه حياها الله تنسخ وتلصق مو لازم تذكر المصدر انا مسامحتها دنيا واخره الحمدالله اجري عند ربي...
انتوا بس هدوا اعصابكم واسترخوا ولاتشجوا لحظة الجماع وبتجون تدعون لي بعد الزواج...
واللي تقول سويت اللي قلتي عليه و لا والله كان فيه الم ارد عليها من الان واقول لها لو شديتي وتوترتي كان شفتي الالم صحيح..
واي استفسار على العام او الخاص الله يحيكم استقبل استفساراتكم بصدر رحب..
واذا اي متزوجه حابه تتضيف حياها ..
وتمنياتي لكم بحياة موفقه وعلاقه ناجحه ممتعه...
والله يسخر لكم ازواجكم يارب...
واحب اضيف اتمنى من كل وحده حابه تهول بالموضوع تراعي مشاعر هالضعيفات اللي كل وحده صابها هم والسبه تخويفكم..
لكم مني