انتبهي من الإلتهابات هدية لكل امرأة وخاصة العروس

هلا بكل العرايس والف الف مبروك للجميع
اختي الكريمة انتبهي :
فيه مشاكل حساسه تواجه العروس
واسئله ماتلقالها حل او تستحي تسئلها
وبنفس الوقت تحرجها قدام عريسها
اول شيء لازم تنتبهله العروس شعر المنطقة الحساسة
والطريقه الاسلم لشيله
وهذي طرق ازاله الشعر مع مميزات كل وحده فيهم وسلبياتها
طرق لإزالة الشعر
=============
1.الكريم
مميزاته .. مريح من غير الم 8_10 دقايق لازاله المنطقه كلها
سيئاته.. الاسوداد الشديد .. الشعر يطلع بعد اسبوع تقريبا ..
الشعره تكون خشنه وسميكه
2.موس
مميزاته..السرعه ومن غير الم
سيئاته..الشعر يطلع بعد 3 ايام .. الشعر اسود وخشن وسميك..
اسوداد المنطقة .. احتمال كبير تطلع حبوب وحكة شديدة
3.الة الشعر"موس حلاقه"
المميزات.. شعر ناعم ..3-4 اسابيع يطلع الشعر
سيائته.. الم شديد
4.الحلاوة
مميزات..شعر ناعم وخفيف .. المكان نظيف ولايسبب اسوداد ..
يجلس 3-4 اسابيع من غير شعر
سلبياته.. الام الشديد والوقت
لتخفيف الالم
==========
ممكن تستخدمين معجون الاسنان لمدة 5 دقايق وبعدين تمسحينه بالمنديل
تستخدمين بنج موضعي من الصيدلية .. بس ماينصح بالتكثير منه
يعني بس بالاول الين ماتتعودين
الاسبرين او البنادول تذوبينه بكاس مويه وتمسحين فيه المنطقه وتخلينه ينشف
خطوات ازاله الشعر بالحلاوة
1. غسل المنطقه كويس بالماء والصابون
لقتل البكتريا الي راح تسبب الاتهاب
بعد شيل الشعر لان المسامات بتكون مفتوحة
2.غسل اليدين قبل الشيل بالصابون برضوا لقتل الجراثيم
3.ابد لاترجعين الحلاوة المستخدمة للعلبة
4.عند الشيل تستخدمين قطع صغيره من الحلاوه "زي قطع اللبان"
وتحطيها باتجاه نمو الشعر وتشيلي عكس اتجاه الشعر
5. اذا خلصتي تكونين مجهزه ليمون تحطيه على المنطقة للبياض
وتأخرين نمو الشعر وهذا مجرب
وفي ناس تحط ليمون مع زبادي وماء حتى يخف الم اليمون
6.احذري تغسلين المنطقه بالماء مباشره لانه يسبب اسوداد ..
علشان كذا اقولك استخدمي الليمون او خلطه الزبادي
الصابون
========
لازم على العروس وحتى الفتاه ان تبتعد تماما عن الصابون لهالمنطقه
لانه السبب الاول للريحه والاتهابات لانه يقتل البكتيريا المفيده
للتنظيف استخدمي عوضا عنه الغسول النسائي الطبي"Feminine Wash"
احرصي على ان يكون مكتوب عليه خالي من الكحول وخالي من الصابون
جربي ماركه Vagisil
شركه طبيه معروفه
الرائحة الكريهة
===========
عرايس يشتكون كثير من وجود رائحه كريهة في المنطقة الحساسة
وهذا نتيجه لاحد الاسباب التالية او كل الاسباب سوا
1.الاتهابات
ممكن العروسة تعاني من التهاب قبل الزواج
وهي لاتعلم وبعد المعاشرة الزوجية
ظهرت هذي الرائحة الكريهة الي تضايق العريس قبل لاتضايقك
ولاننسى ان الرائحة اول شيء يأثر على الجهاز العصبي للرجل
سواء ريحه حلوه ولا شينه
وتاكدي ان الريحة الشينة تعلق براسه اكثر من الحلوة
وصعب تروح من باله وبيشمها فيك مهما بعد كذا تنظفتي وحطيتي عطور
وهنا يجي دور الكشف قبل الزواج عن اي التهابات والعلاج جدا سهل
لا يتعدى مضاد حيوي عن طريق الفم لعدة ايام
وقد يكون الالتهاب صار بعد الزواج
ولهذا انصح كل عروس لما تجهز شنطتها لشهر العسل
تحط معاها ملح خشن بعلبه حلوه .. وتستخدمه كغسول
او تتنقع فيه لمده عشر دقايق
باذن الله يقضى على التهاب او على الاقل الريحة
لحد ماترجعين بالسلامه وتراجعين الدكتوره
وطريقة الملح : تاخذين ملح بقبضه يدك
وتذوبينه ب3 كاسات ماء دافيه وتجلسي فيه
بالمانيو بحيث يغطي ماتحت السره .. ممكن بعض الاوتيلات
مايتواجد فيها بانيو مجرد شاور استخدميه كغسول
واعلمي ان الإتهابات جدا خطيرة وقد تسبب التصاقات
وبالتالي عقم الله يبعده عن كل المسلمين
ثاني سبب زي ماذكرنا استخدام الصابون
اشربي كثير ماء بهالفتره واذا شعرتي بعد المعاشره بانك بحاجه للحمام
لاتتصبرين على طول روحي الحمام ولا تستحين
ولازم تنتبهين ان المنطقه تكون ناشفه كويس ..
استخدمي المناديل الورقية لهذا الغرض
واذا تعانين من افرازات استخدمي الفوط الصحية اليومية
بشرط تغيرها 3 مرات على الاقل باليوم
ملابسك الداخلية لازم تكون مصنوعه من القطن
وغير ضيقه علشان تتهوى المنطقه
وانتبهي من ملابس الضيقه والنايلون او اي شي غير القطن لانه يسبب رطوبه
وبالتالي مكان مثالي لتكاثر بالكتيريا والجراثيم
وبالنسبه للكوليت الي يجي مع قميص النوم ممكن تلبسينه بس لاتطولين فيه
خصوصا فترة شهر العسل لان المنطقة بهالوقت جدا حساسة

• =-=-=-=-=-=-=-=-=-=-=-=-=-=-=-=-

لتعطير المنطقة الحساسة
===============
كل 3 ايام اومره بالاسبوع جربي هالطريقه
جيبي ورد جوري مجفف
"لازم تتاكدي انه نظيف بعد ماتشترينه غسليه وغطيه بشبك وخليه ينشف مره ثانيه"
تلقيه عن العطار
خذي مقدار قبضه يدك وخليه يغلي مع كاسين ماء
واذا صار دافي حطيه بطشت يكون كبير شويه
"بحيث تجلسين فيه يغطي ماتحت السره والرجلين تكون برا"
واضيفي له بياله ماءورد ملعقه عسل طبيعي وملعقتين ملح خشن
واجلسي فيه لمده ربع ساعه او حتى يصير بارد
وشوفي الريحه .. وعلى فكره الورد الجوري يحمي من الاتهابات
اول ايام الزواج او مرتين بالشهر مثلا ..
حطي قطره دهن عود بيدك وادهني فيها المنطقه بس من بره يعطي ريحة حلوة
لاتنسين المسك وهذا حثنا عليه الرسول عليه الصلاة والسلام
بس تاكدي ان اصلي تلقينه عن محلات العود والعطور وفيه نوع زي الحجر..او المسك الاسود
الاتهابات البسيطة
============
وعند احساسك بان هناك التهاب استخدمي احد الطرق التالية:
منقوع البابونج المغلي .. قبضه يد بابونج يغلى مع 3 كاسات ماء
ويجلسين فيه بعد مايكون دافىء لحد مايبرد
وايضاء مغلي حبة البركة .. فنجان حبة البركة مع 3 كاسات مويه نفس طريقة البابونج
الجلوس في كاسين ماء دافى مضاف لها علبه زبادي زائد الحموضه"منتهي تاريخ الصلاحيه"
شرب الشاي الاخضر وعصير التوت الاحمر واكل الزبادي يحمي من الاتهابات
واستخدمي غسول الملح مع بودره المره والماء الدافية مرتين بالاسبوع ..
يحمي من الاتهابات
مزيلات رائحه العرق
============
فيه ثلاث انواع
صناعي الي بالسوبرماركات وبكل مكان
مميزاته .. اكثره يستمر مفعوله ل24 ساعه وريحته حلوه
سيئاته .. اسوداد
ممكن تستخدميه بشهر العسل مثلا بس بتحتاجين فتره بعده لعلاج الاسوداد
بس انتبهي لما تشرين مزيل العرق
اقريء اذا كان مكتوب عليه Anti-Perspirant .اي مضاد للتعرق
لاتشترينه لانه يسبب السرطان لانه يمنع خروج العرق من الجسم
اقرئي كويس وتاكدي انه مو مضاد للتعرق للمعلومية بعض الاحيان تلقينه مكتوب بالعربي
النوع الثاني بولهي
يبيض المنطقه بس يزيد التعرق بصوره كبيره جدا
وريحته غير مقبوله ابد
ومافي احد يدري من ايش مكوناته وكثير اطباء حذرو منه
وفيه الطبيعي الشبه وممكن انك تطحنيها وتضيفي الها بودرة جونسن مع كم رشة من عطرك المفضل وهي مجربة ورائعة وخصوصا بعد الحمام رائعة
يحافظ على لون يعني لايسود ولايبيض
عيبه الوحيد انه مايطول .. يعني 12 ساعه تقريبا وينتهي مفعوله
لسواد المنطقه .. كل يوم لما تتروشي استخدمي الليمون
امسحي فيه المنطقه"الابط والمنطقه الحساسه"
او اي مكان اسود في الجسم وخليه 5 دقايق
وبعدين غسليه صح النتيجه ماتبين على طول
ويبيلها صبر بس مجربه ومضمونه ان شاء الله
وبالنسبه لريحة الجسم بشكل عام
=====================
لما تتروشي استحدمي شور جل بريحه حلوه
وحاولي يكون طقم مع العطر والبادي سبري والبودر والبودي لوشن
بصراحه البودره مهمه جدا لتثبيت الريحه ..
اخلطي البودي سبريه بشوي من البودره
واستخدميه على جسمك او بودي لوشن
وبعد ماتتروشين قبل لاتقفلين الدش ادهني جسمك بزيت
اي نوع من الزين مع شوية ماء ورد
هذا بعطي جسمك نعومه وريحه حلوه وبيثبت العطر والبودر
واعرفي ان العطر لايمكن ابدا يغطي الريحة الشينة
ممكن اول عشر دقايق بس بعدين بيزيد الريحة الشينة اكثر
ولاتنسي تاثير الرائحة الحلوة على الرجل
ولو انه مالها الاثر الكبير مانهانا رسولنا عليه الصلاه والسلام من التعطر خارج المنزل
واخبرنا بان من يشم في احدانا رجل رائحه العطر فهي بحكم الزانيه
العناية الشخصية ايام الدورة الشهرية
======================= =
واخيرا اهتمي بنفسك في فتره الدوره الشهريه لاتشيلي ثقيل
وابدا ماتمشي حافيه "لان هذا يسبب افرازات وهواء يصعب جدا علاجه"
ابتعدي عن المسكنات قدر المستطاع
اشربي كمون لتخفيف الالم .. بان تغلي ماء حاره بمقدار كوب
وتضيفي له ملعقه كمون وتتركينه 10 دقايق
او حتى يبرد وبالهناء "الشيء ان زاد عن حده انقلب ضده"
يعني لايزيد عن كوبين متوسطين الحجم او صغيرين
منع الحمل
اخر نصيحة
=======
ان كنتي ترغبين بتاجيل الحمل فلا تعتمدي على حبوب منع الحمل
وانتي بكر لما لها من اضرار قد تصل للعقم
ولاتخجلي من طبيبتك النسائيه فبادري بسؤالها عما يحيرك او يألمك
فهي اعلم بحالتك الصحيه ومايناسبك من ادويه وعلاجات
تمنياتي لكم بحياه سعيده خاليه من الامراض
جربى وشوفى بنفسك!!!!
منقول للافادة