انسوا الحزن

الي احلي فراشات حبايبي واخواتي والله اني احبكم في الله
كل عام وانتم بخير بقدوم شهر الخير شهر الرحمة والعتق من النار بنات ممكن ننسي الحزن شوية
ممكن ناخد اجازة من الكابةوحالة البؤس اللي عايشين فيها دي ممكن ننسي الدنيا اللي مليانة هم
وخداع وغرور وكذب ممكن نبدا صفحة جديدة مع الله ومع انفسناحتي لو لمدة قصيرة لوحتي في الشهرين اللي جاين شعبان ورمضان ومعهم العيد وبعدين ممكن نرجع للحزن تاني الله لا يعيده تعالوا نفتح صفحة جديدة في حياتنا كلها امل وتفاؤل شوفي انت نفسك تستقري وتعيشي سعيدة مع فارس الاحلام ويكون لكي اولاد واحفادةعارفة دة هيتحقق ازاي والله لما تنسي شوية الحزن وتتفالي بالخير والله انا اكتر واحدة كارهة الدنيا بلي بيها بس من يومين قررت انسي شوية واروشن وفكرت اعمل شئ جديد فكرت اساعد ناس محتاجة عارفين بدات انسي همي شويةوافكر ازاي اسعد اللي حوليا فكرت في مشروع اعمله والحمدلله ربنا ساعدني اني اتخلص من الحزن شوية والله يا بنات الدنيا اتغيرت معي لما احس بالحزن وبتشاءم بروح بسرعة اخرج واتكلم معي اي حد المهم الحزن لا ياتي لي ويسبب لي اكتئاب عارفين شعري بدا يتساقط وجهي يذبل ويصفر واصبحت ضعيفة القدرة لكن دايما ادعو الله ان يفرج كربي وكرب الجميع
سامحوني كترت عليكم بس ما حبتش افرح لوحدي تمنيت تشاركوني الفرح اللي دخل قلبي لما حاولت اساعد غيري ولو بالقليل وخرجت من الجو الحزين حاولوا انتوا كمان تنسوا شوية وناخد اجازة من كل الهموم والاحزان ونشتري الفرح لو حتي قليل