انصحوني هل اطلب الطلاق واعيش طول حياتي بهم وغم

1. طر ما كلمني انا كنت حموت من القهر كنت بالشهر السادس


2. عمره ماقالي كلمه احبك انا حاليا لي سنتين معاه

انا تعبانة نفسيا بشكل ما تصدقو
انا كنت بكتب مشكلتي ن زمان لكن قلت بصبر لكن لحد كدا وكفاية
انا من جده وزوجي من الرياض اوكي
انا قبل الزواج كانت اهم شرط عندي ان يكون زوجي من جده بسبب اختلاف البيئة
لما جاء زوجي يخطبني تخيلوا كان في واحد تاني يخطب بنفس اليوم وهو شافه يعني اختصار الخطاب كانوا كتيير
عموما انا انخطبت او ملكت وجلست سنتين عند اهلي عشان اكمل دراستي
لكن هذي السنتين من اسوأ ايام حياتي خطيبي ما كان يكلمني ابدا ابدا ولا كان يزورني
يعني السنتين هذي يمكن مكالماته ما تجي 15 اتصال و زيارتين بس
قولنا اوكي وصبرت وقلت لناس كثير قالولي هذا شي طبيعي وبعد الزواج بيتغير
جاء الزواج طبعا تخيلوا تخيلو لما جاء من الرياض على جده بالطيارة عشان الزواج رقم وحده بالطيارة اوكي
يعني مو مفكر فيه نهائيا زواجه بعد كم يوم ولسا بيرقم ويقل ادبه مو هدا الشي يدل اني مو في باله نهائيا
طبعا انا ذكية جدا جدا جدا هذي الامور ما تمر عليه في يوم الدخله قلت ممكن جوالك بكلم اهلي وسيت فيها حزينه المهم هو اعطاني جواله وسويت نفسي اني اكلم اهلي وانا نت اطالع في الرسايل المرسلة
الاخ في يوم زواجه ما كلمها طبعا ايش كان عذره لها رسلها رساله انه كان نايم وهو كان في فرحه
بصراحه حزنت على البنت وحزنت على نفسي لانه قاعد يلعب علينا احنا الثنتين
المهم اخذت رقمها وسويت نفسي ما ادري وكملت شهر العسل الي كان شهر دمار بالنسبه ليه لاني كنت بشيك كل يوم على جواله وهو موعارف وكان بيرسلها كل يوم يعني عايش ازدواجية عجيب هدا الانسان
جاء يوم قلتله ابغى اغراض من البقالة قال اوكي جلس من 7 لحد 12 وبعدين قالي انا بالطريق قلت اوكي شوي اتصل عليه قال بتاخر قلت ليش قال لاني شفت اصحابي طبعا بيكلمني والجو ما في أي انسان عشان يدل انه عند اصحابه .. قلت فين اصواتهم انا ما اسمع شي قام ارتبك وما عرف ايش يقول... هذاك اليوم سويت الي ما احد سواه لما رجع البيت قلت كملت السهر مع حبيبه القلب خلود طبعا اسمها خلود كدا مكتوب بجواله
هذاك اليوم جلس يبكي ويقول انا احبك ومن ذي الخرابيط المهم قلت اوكي انا كدا عرفت ومو حلو في حقي اني اطلب الطلاق وانا لسا ما كملت شهر لكن لو اعرف باي شكل من الاشكال انه رجعت لها لا تلوم الا نفسك .... وانا عارفه انه حيرجع يكلمها
طبعا يابنات انا بتكلم عن دخلتي زوجي جدا جدا جدا جدا ضعيف جنسيا تخيلوا انه ما دخل على الا بعد اسبوعين يمكن والله العظيم حتى الله يكرمكم ما ينزل معه مني الا بعد طلوح الروح .... المصيبه اني حمت في الحال

طر ما كلمني انا كنت حموت من القهر كنت بالشهر السادس

رحت عن اهلي في حملي لاني كنت جدا تعبانه من الوحم ورج لنفس الموال ما يكلمني ولا شي... لما جاء في عيد الاضحى ما كلمني وعيد عليه انا كنت حموت من القهر كنت بالشهر السادس قلت كل الناس كلموني الادا الخنزير...الموهيم من غير تفكير اتصلت على خلود وشكيت عليها وسبيتها وكنت زيا لمجنونه ما اعرف ايش اقول خلاص انفجرت ...قامت قالتلي انا والله عيد عليه وكلمني انا انقهرت قلت ليش ياربي ليش
المهم كلمته وقلت ليش كدا بتسوي يعني انا حامل عند اهلي وانت مع بنت الشوارع ذي ....والله لما كلمتها اسلوبها مو حلو باين عليها من قرية او شي يعني شتان بيني وبينها بصراحة
عموما ولدت ولما جيت البيت شفت جواله طبعا ماسح كل شي لكن الغبي ناسي البلوتوث شف فيها رسال تشيب الراس
اباحيه وغير اخلاقيه بلاش ذكرها ... يعني ما في امل يتوب من صياعته
طبعا غير جواله وجاب شريحه جديده ..وانا متاكده ان عنده شريحة تانية
مرت الايام وانا حاسه ان الشخص مو معايه ابدا ابدا
دوامه من 6 الين 6 طبعا يتخللها فتره غداء بس يقضيها بالنوم ولما يجي البيت ما كاني موجوده
المصيبه انو دايما اسمع مدح من اهل زوجه على جمالي لدرجه انهم يفكروا يخطبوا اختي لولدهم التاني
والله ما اروح أي مكان الي الحريم يقولولي اقرئي على نفسك
والله دايما ملابسي من اغلى الماركات ودايما على الموضه وقصه جديده وتخيلوا كل يوم لازم البس لبس جديد
والله جسمي متوازن والعب رياضة يوميا لكن ابد ابد ما يلتفتلي زوجي
والله لو كنت سيرنلانكية والبس دا اللبس بطلع اجنن
ودايما اتفنن في الطبخ والحلا لازم كل يوم

عمره ماقالي كلمه احبك انا حاليا لي سنتين معاه

والله في الفراش مره مقصر يعني ما يجيني ابدا انا بس الي اجيه ومره سويت نفسي ثقيلة وما جيته قلت خليه هو يجي والله جلس شهر ما جاني تخيلو
هذا كوم ولبسه كوم مره معفن بس جالس بالسروال السناوي والفانيله البيضا طول السنتين ...جبتله بجايم على حسابي وورماها بالدولاب...وما عنده فرشة اسنان تخيلوا ياجماعة .. .ولا ليفه .... ولا صابون...واخيرا اكتشفت انه يتروش بدون شابو ...شعره مليان فطريات وقشره من القرف... ريحته مو طبيعيه ما يحط مزيل عرق ومو راضي يحطه اصلا
طبعا المصاريف مابيصرف عليه وهذا عشان راتبه قليل لكن الا متى يصرف عليه ابويه
انا بيكون طلبت الطلاق من زمان لكن ولدي ايش ذنبه
شوروا علي من جد مدمره نفسيا