انكب على سراميك بيتك مناكير وتورطتي مدعم بالصور

السلام عليكم ورحمة الله و بركاته ..
حياكم الله .. كل عام وانتم بخير , تقبل الله منا ومنكم
صار لي موقف , مره من المراريت كنت مختارة ثلاث ألوان من المناكير ( وردي , فضي , أسود ) وكلها حجمها صغير عدى الأسود كبير تقريبا
المهم جلست وجبت لي ورقة وحطيت لي شوي فضي وشوي وردي ودمجتهم عشان اشوف اللون يطلع حلو أولا
وجت اختي الصغيرة تحسبني العب وقالت تبي تلعب بالمناكير حقي مثل ماسويت قلت لا وقمت والورقة معي و علب المناكير وأنا ماشية في الصالة جتني اختي يقالها معصبة وهي تركض وتصقعني تبي ترمي الورقة الي معي ومن غير ماتدري رمت المناكير الأسود على السراميك طبعا انكسرت العلبة وطش المناكير في كل جهه
وصارت بقعته وش كبرها << بصراحة أنا مقهورة من جهتين يعني كنت ابي المناكير بس مانقهرت عليه كثير عادي اشتري واحد ثاني بس الي قهرني
1- اسلوبها يقالها معصبة وللأسف الشديد نلاقي كثير من الأطفال بالصفة هذي وهو لاشك صفة كريهة.
2- السراميك , يعني تورطت السراميك كان لونه فاتح تقريبا وردي مموج مع ابيض وزي المربيعات الصغيرة عنابي
مثل كذا ..
يعني بيبان المناكير والبقعة كانت مرره كبيرة والعلبة كانت مليانة
اول شي سويته جبت مناديل رول وشلت القزاز الطايح ومسحت المناكير بالمناديل كمان وبقت بقعة المناكير
فرحت أدور في النت حل .. لقيت وحدة تقول حطي عليه مزيل مناكير << وأنا استخدم المناديل مو السائل
فقلت خلاص بقول للشغالة تمسحه بالكلوركس واشوف إذا بيروح ولا لما جيت لينها قد صبت عليه الكلور وقضت بس كانت توها تمسح فيه
بس كان مركز مو مخفف لما خلاص مسحت شوي وبقى بس شي خفيف مثل كذا
قلت خلاص لا عاد تمسحين لأن الريحة تخنق بقووة ,,
الحمدلله بقى بس اثار بسيطه على السراميك والخطوط الي بين المربعات مثل كذا
يعني يبي لها مسحة ثانية و تروح ..
المهم الخلاصة من الموضوع كله إذا انكب على سراميك بيتك مناكير
1- امسحية بالمناديل << يعني شيلي السائل نفسه خلي المكان ناشف شوي .
2 - حطي عليه كلور وهو مركز وامسحي بمنشفه قديمة عندك لأنك اكيد بترمينها بعد المناكير.
وبس ولا تتعبين ولا تشيلين هم
فائدة :
من أقوال عمر بن الخطاب رضي الله عنه:
1- أخوف ما أخاف عليكم : شح مطاع ، وهوى متبع ، وإعجاب المرء بنفسه .
2- لو أن الصبر والشكر بعيران ، ما باليت أيهما أركب .
اتمنى اكون افدتكم ..
دمتم لمن تحبون ,’