اهليه ولاحكوميه احتاج رايكم

ماما نونى

20-09-2022 - 06:26 pm

السلام عليكم بنات
كيفكم ان شاء الله بخير ...
المهم بدخل بموضوعي ..
انا في ثالث ثانوي علمي وادرس في ثانوية 55 في الرياض..
ونسبتي في ثاني كانت 92% ..
ومحتاره انقل لاهليه السنه هاذي ولا اقعد في مدرستي ..
وانا اخاف اذا نقلت اندم واذا قعدت اندم اني مانقلت يعني حالتي صعبه ..
وكذا مره استخرت بس للحين محتاره..
ياليت تعطوني رايكم لاني احتاج راي احد عنده خبره في الموضوع هذا..
انتظر ردودكم

التعليقات (9)

%مبدعه.كوم%

20-09-2022 - 09:58 pm

مرحبا عزيزتي
كنت امر بنفس حالتك.. ساكتب لكي تجربتي وتجربه صديقاتي
وانتي قرري...
انا جلست في الحكوميه.. وصديقاتي راحوا اهليه
الحكوميه.. يبيلها نااس تذااكر .... وبذات ثالث ثانوي المناهج مو صعبه بس انتي مادامك علمي .. بتفهميني الرياضيات الدرجه بسبعه والمواد العلميه الدرجه باربعه بالاضافه الى الانجليزي...اما العربي بدرجتين والدين درجه وحده
هذا نظام الضرب في عدد الحصص هو الي نزل نسبنا وضيعنا... في ثاني ثانوي كنا لسه مافهمنا السالفه وبذات الترم الاول
بعد الترم الاول بنات تقلوا وبنات جلسوا ومنهم انا...
كملت ثاني ثانوي وطلعت بنسبه حلوه بس ماكانت تساوي الجهد المبذوول...!!
وقررت اروح اهليه..
وفي الاجازه استخرت ورتحت لمدرستي...
وكملت ثالث ثانوي الي عانيناه فقط الي كتبته فوق على نص درجه تخافي تنقصي عشان النسبه تكون كامله في ثالث ويكفي نقص ثاني.. و تعبنا من اختباراتهم الدوريه ... مانخلص الشهر الاول ال والشهر الثاني جاي.. ومدرستنا ماكانت تعيد الاختبارات.. الا بعض المعلمات بالتالي مافي فرصه تحسني>>هذه ظروف مدرستي اما انتي احكمي على مدرستك
و جلسنا على اعصبنا...
بس انا بقولك ان كنتي شاطره مر ره..!! راعيه مذااكره مر ره..!!!
و تركزين بالاختبارات... وتحلين بالرياضيات زين اجلسي في مدرستك
اما ان كنتي ماتضمنين نفسك ... فالاهليه اريح لك كثير
لاني اكتشفت انهم يجيبون نفس النسب ويتساون معنا..
بس نظام اختبار القدرات الجديد المطبق على البنات السنه هذه
ممكن يكون مفيد للحكوميه الي تذاكر وتذكر..<<<وهذا بعيد
اقصد اختبار التحصيلي فيه معلومات لكل الي درستيه في الثانوي وطبعا الاهليه يحذفون اشياء
بس انا اقول هو اصلا اختيار يعني مو لازم تذاكرين..!!
وبس الله يقدر الي فيه الخير لنا ولكِ
ارجوا اني افدتك
واي خدمه او سؤال تحت امرك..

حــــــوريهــ

20-09-2022 - 10:59 pm

اهليه اضمن لك
2 بنات عمي وحده باهليه والثانيه بحكوميه
طبعا كلهن دخلو اختبار القياس وكلهن زفتو فيه
لكن بنت الاهليه شفعت لها نسبتها شوي وقبلت بالجامعه
والثانيه مصدومه ماقبلت
ياعمري الله يفرج همها ويرزقها قبول الترم الثاني

واير ليس

21-09-2022 - 12:00 am

انا انصحك تروحين لااهلية بس تكون زينه

spring time

21-09-2022 - 01:01 am

احسسهم يفضلون حكومه على الاهلى
وبس هذا الي اسمعه
موفقه

اجمل إحساس2

21-09-2022 - 02:02 am

انتي استخيري اكثر من مرة وربك هو اللي بييسرها لك

ماما نونى

21-09-2022 - 03:03 am

%مبدعه.كوم%
مشكورة ياعسل على ردك ...
بس انا من النوع الي ارجع البيت انسى كل الي درسته في المدرسة ..
واحتاج مدرسة خاصه ومانجحت العام الي فات الا فيها ..
واذا رحت لاهليه مستحيل اجيب مدرسة خاصه ...
وهذا الي محيراني ومخوفني اني اروح لاهليه ومافهم فيهم ...

ماما نونى

21-09-2022 - 04:04 am

حوريه
الله يفرج على بنت عمك وتنقبل بالترم الثاني بالتخصص الي تبيه
مشكورة على ردك

ماما نونى

21-09-2022 - 05:05 am

واير ليس .... spring time ... اجمل إحساس2
انا بعد سمعت انهم يفضلون الحكومي بالجامعه بس يقولون الحين كلهم سوا ....
وان شاء الله بستخير مره ثانيه ... وان شاء الله خير ....
مشكورين على ردودكم والله يحقق الي في بالكم...

قمر الرياض..

21-09-2022 - 06:06 am

والله مافيه تفضيل بين الاهلي والحكومي بالجامعه
القدرات هي الحد الفاصل
نصيحة روحي لمدرسة اهليه بس مو من هالمدارس الخربوطة الصغيرة لا
هذي ان رحتي لها عز الله فلحتي بالقدرات..!
روحي لمدرسة اهلية كبيرة ومعروف عنها انها تساعد بدرجات المشاركة وتعيد لك الاختبارات ودراستهم على مستوى
اعطيك ابسط مثال مدارس دار العلوم
حلوة مرة ومدرساتها قديرات ويعيدونلك الاختبارات ويراعونك وتدريسهم ممتاز
وبإذن الله تفلحين بالقدرات والعلم عند الله
حبيت افيدك باللي اعرفة
الله يوفقك

إلي قدمت على نظآم الانتساب المطور بجآمعة الملك فيصل تتفضل←
بخصوص خدمه المجتمع بليز مساعده→