اهل الزوج وماادراك ماأهل الزوج

1. السلام عليكم خواتي مالي بعد الله غيركم استشيره

السلام عليكم خواتي مالي بعد الله غيركم استشيره

انا لي 3 سنوات متزوجة وعندي ولد عمره سنتين بعد العز والدلع عند اهلي سرت عايشة بهم وغم مايعلمه الا رب العالمين طبعا ولا اشتكيت لأهلي بحرف واحد هم ملاحظين تعبي لكن عمري ماشكيت لهم اقولهم حياتي عال العال
انا عايشة مع اهل زوجي وقبل لا يموت ابو زوجي وصى زوجته اللي هي عمتي وام زوجي بإن الدور الثاني كله لولدة اللي هو زوجي وهذه الكلام معروف من قبل الزواج والصدمة اني بعد ماتزوجت لقيت ان اللي لي في الدور الثاني غرفة نوم فقط والباقي فاضي من دون أثاث واهلي من منطقة ثانية يعني ماراحوا البيت قبل الزواج وسار كل شي بسرعة وام زوجي مقفله الغلاف اللي فوق تقول هذه لبتي اذا ولدت وهذه لأغراض بناتي ؟؟؟؟؟؟؟
انصدمت بواقعي المؤلم سرت انا اللي اطبخ في مطبخ اهل زوجي كأني خدامه عندهم ولا وحدة من خواته كانت تدخل المطبخ وانا اقدر اسوي مشاكل بس عشان ولديساكته وصابرة وزوجي مو فاهم على باله شي عايدي اشتغل وخواته الوحدة اطول مني وجالسة تستنى السفرة تنفرش عشان تاكل
انا ماقدرت اتحمل اشتكيت لزوجي قام على خواته عشان يساعدوني وساعدوني يوم يومين واحيان بس قدام زوجي واذا مو موجود استحالة اشوف وحدة تطبخ كلهم بانتظاري اطبخ لهم
وفوق كذا عمتي مو عاجبها طبخي مع اني معروفة بين جماعتي اني طباخة ودايم اسوي عزايم برمضان وهي منقهرة مني لأن الناس يمدحوا فيني لأني عشت معهم وتحملت اذاهم ولا سويت مشكلة كله عشان ولدي
وخوات زوجي يجون عندنا في الإجازات وغيرها يبلطون عندنا بعيالهم ورجتهم بالشهور وانا الوحيدة اللي تطبخ واذا طنشت يروح زوجي يجيب من المطعم وفوق كذا تتكلم الوحدة منهم وتطول لسانها وتقول انتي ماتسوي شي منتي سنعه مع زوجك ومن ساعتها انا كبرت المشكلة
قلت انا اسنع وحدة في الجماعة وعمري مارحت بلطت عند اهلي وخليت زوجي للجوع زيك انتي وياها ماتعرفوا ازواجكم الا شهر شهرين في السنة والباقي عندي كنكم مطلقات والله لو الوحدة منكم ماتحترم نفسها لأعلمها الأحترام واربيها من جديد
وزعلت عمتي من ذا الكلام وزوجي قال انا مالي دخل فيكم دايما موقفه سلبي اتجاه مشاكلي لا يحل ولا يعقد وانا الحين اطالبه يأثث الدور الثاني استقل فيه عن امة وخواته وهو مو راضي قولوا لي وش الحل يعني اذا كل شي يجي بالمشاكل ماعندي مانع اشتكي لأهلي وحيجوا من اول اتصال بس الزم ماعلي اني اكدر عليهم انصحوني يابنات وعوني والله قبل اسبوع وحدة من خواته تطلبه 30 الف قام عطاها وانا كنت انتظر متى تجي هذه الفلوس عشان أأثث بيتي لكن اخذتها اخته عشان تتمشى بيها هي وزوجها وش اسوي خلاص يااستقل بروحي ياأتطلق مااتحمل الوضع دا
يارب الفرج من عندك