اوراق مبعثره

يالفارس أشكيلك همومن كافره
والقلب شارب كوس هالحزن المرير
لو ما غلا قلبك بقلبي غامره
ما جيتلك والجرح أسمعله زئير
ياحي صوتٍ نبرته لي طاهرة
مثل النوايا بالحشا والله خبير
لا تشكي همومك همومي وافره
لا تشكي وابكيلك عليها ياعشير
كلّن على همّه دموعه ساهره
والفضفضه راحة لما فينا كسير
لي صاحبن ما هو علاقة عابره
أقفى وسيفه بالحشى سيفن شطير
النفس ف البلوى اذا هي صابره
الله لها ياصاحبي ومعها نصير
لا تتبع الي من الولايف دابره
حتى ولو له بالحشا اشطر جفير
ربّك خذى واعطى عطايا مْبادره
يمكن خسرت الي مكانه كان غير
لكن تعوضت بْغلاتك سافره
خيرة .. وجاتك بالحشى مركز كبير
بعض الخساير تعتقدها كاسره
وماتدري ان الربح فيها لك كثير
مثل الصحاري والاراضي القافره
لاجا بعد طول القحط وبلٍ غزير
فارس
محمد الحربي
منقول