ايش اسوي مع زوجي ودراستي

1. السلام عليكم ورحمة الله وبركاته


2. حسبي الله ونعم الوكيل هذا اللي اقوله

السلام عليكم ورحمة الله وبركاته

كيفكم اخواتي ؟ والله اني بنفجر من يومين اتضاربت مع زوجي وحط الحق عليه وقال لاهله وكلهم لاموني وحطوا الحق كله علي انا والغلطة اني قلتله كلمة وحدة بس .... المهم جلسنا يومين ماانكلم بعض وبعدين قررت اعتذر له واتاسف واعترف بخطئي فزينت البيت ورد وشموع ومن هذي الحركات اللي تعرفونها وارسلته رسالة اعتذار في الجوال وكمان كتبتله رسالة اعتذار وتركتها في مكان يشوفه ويوم دخل البيت وشاف كل هذه الاشياء قام يقولي انا ماراح اقبل اعتذارك الا اذا جيتي وسلمتي على يدي وعلى راسي ( حسيت انه جالس يذل فيا يعني اعتذرتله باكثر من طريقة ومو عاجبه باقي ابوس رجله )
المهم في الاخير سويت اللي يبغاه وانا حاسة نفسي في قمة الذل وقلت يمكن مو قصده يذلني
واحنا اليوم احد وفيه دراسة زي ماتعرفون والمشكلة انه انا دراستي عند اهلي ادرس في مدينة وساكنة في مدينة ثانية وانزله خميس وجمعة والحين رافض يوديني الجامعة هذا الاسبوع والله بنفجر عندي اختبارات ومااقدر اغيب ويوم اهلي كلموه ولا اعطاهم اي اهتمام وقام يقول بنتكم غلطت غلط كبير( طيب مافي انسان مايخطئ بعدين انا اعتذرت منه وحاولت باكثر من وسيلة وفي الاخير قبل اعتذاري . ليش في الاخير يصمم على قرار كان متخذه وقت ماكنا متزاعلين؟)

حسبي الله ونعم الوكيل هذا اللي اقوله

وانا ساكتة الى الان ومافتحت موضوع الدراسة والجامعة معاه لكن بعد ماصالحته وعرفت انه مابيوديني رجعت رسمية معاه وهو لاحظ التغيير في المعاملة وسالني قلتله مافي شي
انصحوني الله يخليكم ايش اسوي هل اكلمه ولا اصبر واغيب هذا الاسبوع وشوفوا كم محاضرة بتروح علي يعني خمس ايام مو بسيطة لو انها يوم او يومين مو مشكلة والمشكلة انه الاختبارت الاسبوع الجاي يعني متى يمديني اخذ المحاضرات و.......؟
ارشدوني وش اسوي وجزاكم الله كل خير