ايش رايكم في غرفة عيال اخوي بعد ماصبغتها توجد صور بالداخل

السلام عليكم فراشات المنتدى العزيزات
انا اليوم حابة اوريكم شغلي في غرفة عيال اخوي
في البداية وانا اتصفح المنتدى شفت موضوع قديم من للفراشة نساء صغيرات الله يذكرها بالخير
وفي موضوعها تشرح طريقة طلاء الجدران
والفكرة دخلت مخي خصوصا انها سهلة مرة بس يبغالها جرأة
وهذا رابط موضوعها
http://alfrasha.maktoob.com/alfrasha56/thread103233/
وانا عجبتني هذي الصورة
وطبقت الشرح وسويت زيها
اول شغلة سويتها
رحت لمحل جوتن وشفت الكتالوج واخترت الالوان المناسبة
ووريته الصورة وهو ماقصر اعطاني الادوات وشرح لي الطريقة
ويديت بالاساس وهو اللون الابيض
ومايحتاج اقوللكم قد ايش الشغل سهل وممتع لكنه محتاج وقت وطولة بال واخذت مني ساعات<<< اسهل من كتابة الموضوع هذا
والصبغة تنشف في خلال ساعة ومالها ريحة وماتسبب كتمة
وفي اليوم الثاني جبت مسطرة طولها متر ومثلت كبير وقلم رصاص وبديت احدد المستطيلات
وهذي اصعب خطوة لان الخطوط كانت تميل وامسحها ثم ارجع ارسم ومافضيت اصور الخطوة هذي ونفس الشي اخذت مني ساعات تقريبا
ثم لصقت اللصقات عالخطوط مثل مانتوا شايفين
وبديت في الشغل الممتع
اخليكم مع الصور
والالوان تجف بسرعة ثم اعيد عليها وجه ثاني عشان تطلع مركزة وواضحة
واذا جفت البوية اشيل اللصقات من الجدار
والنتيجة مثل مانتوا شايفين
اتمنى اسمع ارائكم وياليت تقولون لي ايش اصبغ باقي الجدران لاني صبغت جدار واحد واحترت في باقي الجدران
هل اخليه ابيض او ليموني او او
طبعا الموكيت لونه اخضر
لاتبخلون على بأرائكم ونصايحكم ] وممنوع التطنيش ترا الموضوع متعوب عليه