باركولي دخلت هالعالم من اوسع ابوابه عالم ال

صدمة سنيني

23-09-2022 - 04:40 pm

ودي أبكي لين مايبقى دموع
ودي أشكي لين مايبقى كلام
من هموم صارت بقلبي تنوح
من جروح أحرمت عيني المنام
وأنطفت في دنيتي كل الشموع
والهنا مايوم في دنياي دام
إن شكيت الحال محد لي سموع
وإن سكت الناس زادوا في الملام
طال صبري ........عيّا يطوع
والرجا بالي عيونه ما تنام
بهالشهر...احتفل بعيد ميلاد جديد...بعذاب جديد....بهم جديد....!!
احتفل بمولد جرح جديد.....كرهت عامي.....وكرهت سنيني...ذلتني ايامي
صدمني,,,,,,,,اهاني.......
مارحمني....ولارحم ضعف حالي وقلة حيلتي...
تعبت اخبي....تعبت اضحك وقلبي مجروح.....تعبت من كلام امي وتعليقاتها
تعبت من حظي........تعبت من نظرات الكل وتساؤلاتهم...
آآآآآآآآآآآآآآه ياقلبي.........
ليش بس ليش...والين متى ابقى بهالوضع...
كرهت الزواج.....كرهت الخطوبه.........وكرهت حظي...!!!
بأول ايام هالشهر دخلت عالم العنوسه من اوسع ابوابه...صرت بال30وماتزوجت...!!
كنت بالاول افرح واقول للكل اني دخلت سنه جديده وكبرت سنه......والين عرف الكل متى تاريخ ميلادي...
والحين احس بالذل واحراج..والكل ينااظر.....وينتظر....والبعض مايراعي ويسأل..!!
يتوقعون اني بأفرح....يتوقعون اني بستانس...!!! مادروا اني بموت والعبره تخنقني...
لا اب
لازوج
لاحبيب
لارفيق
وين اروح بس ودي استقر ودي افرح ودي اسكت الكل ونظرات الاشفاق والحزن بعيونهم وكلامهم
حتى دعواتهم كرهتها...ياليتني مااحس ولا اهتم...كان ارتحت....
لاحد يلومني اللي بقلبي كبير وذابحني...والهم طاويني والحزن سجاني وقيدي...
اكيد بتقولون عيشي سنك واضحكي وروحي ولاتهتمين وانا بقولكم اني عايشه حياتي وعمري
مابينت...بالعكس اضحك واسولف وانتقد وافرح لغيري واشارك والوضع عادي....
((بعيون البشر اضحك واسوولف ولاكن فيني شي))
لكن بداخلي مخنوقه واكابر واحس بألم يقتلني
ضاع شبابي
ضاع حلمي
ضاعت ايامي
مدري شقولكم مخنوقه مخنوقه مخنوقه وكلام امي ذبحني لانها تهدم كل اللي اسويه
تخلي الناس يشفقون علي بكلامها وانا اكابر...تعبت تعبت تعبت الله يسامحها بس نفسي
تحس فيني نفسي تكون ستر وغطاء علي نفسي احس انها قريبه مني ومن همومي لكن مستحيل
مستحيل مستحيل..الله يسامحها وبس
بنات تكفون بهالشهر الفضيل ادعوا لي ربي يرزقني مثل مااتمنى ومثل مااحب ماابي احد يتشمت
فيني ماابي ينكسر خاطر احد علي....تعبانه والله تعبانه وموت ابوي كسرني ذبحني حطمني...صرت ولا شي بدونه
ياربي رحمتك وعفوك وكرمك يارب
تكفون ادعوا لي والله محتاجه دعواتكم ولولا كبر همي وقلة حيلتي مالقيتوني هنا اكتب بس لمين
اشكي ولمين احكي....!!
سامحوني بس بجد مخنوقه وتعبانه

التعليقات (9)

غضيانه

23-09-2022 - 08:07 pm

كفارة المجلس: سبحانك اللهم وبحمدك ، أشهد أن لا اله إلا أنت أستغفرك وأتوب إليك
وسعي صدرتس الدنيا ماتسووى والله
اقضي وقتس بتقرب الي الله موفقه يالغلا

اسيرة كلام الناس

23-09-2022 - 09:08 pm

يابعد عمري إنتي
ياقلبي لاتفكرين
ويمكن لك خيره ماتدرين
نصيحه من اختك الحين قومي
خذيلك حمام بتحسين بإنتعاش وبعدها توضي وصلي وإستغفري صدقيني بترتاحين وحاولي تشغلين نفسك بأي شيء
خلي الاستغفار شيء اساسي كل يوم
وترى انا اختك ماتضيق إلا تفرج
لي عوده

ورديMoon

23-09-2022 - 10:09 pm

اولا لايجوز تسبين الزمن ولا تقولين الزمن ذلني
ثانيا ادعي ادعي والله ربك مايرد كريم رحيم حاولي تاخذين عمره بهالرمضان وتدعين
والله مالك الا الدعاء
استغفري بنية الزواج وادعي اشربي موية زمزم بنية الزواج
وقولي هالدعاء
اللهم اني اسءلك باني اشهد انك لا اله الا انت الاحد الصمد الذي لم يلد ولم يولد ولم يكن له كفوا احد اقض حاجتي انس وحدتي فرج كربتي اجعل لي رفيقا صالحا كي نسبحك كثيرا ونذكرك كثيرا فانت بي بصير يامجيب المظطر اذا دعاك احلل عقدتي امن روعتي يالهي من لي الجا اليه اذا لم الجا الى الركن الشديد الذي اذا دعي اجاب هب لي من لدنك زوجا صالحا اجعل بيننا المودة والرحمه و السكن فانت على كل شئ قدير يامن قلت لشئ كن فيكون ربنا اتنا في الدنيا حسنه وقنا عذاب النار وصل اللهم على نبينا محمد وعلى اله وصحبه وسلم

حور عنيزة

23-09-2022 - 11:10 pm

ادعي ربي .. وانتي موقنة انه سبحاانه هو القادر عى كل شئ ..
مالك الملك .. ذو الجلال والإكرام ..
وفضفضي لأمك .. تقربي لها مهما كان هي امك اللي تحس فيك بس ما تعرف تعبر ..
واستغفري وادعي بالسجوود كثري دعاء بالسجود ..
ويارب ما يخلص العيد الا وانتي مملكة قولي امين
وادعي لي .. بالزوج الصالح

بنت الحربي 2007

24-09-2022 - 12:11 am

يارب ياكريم ياسميع يامجيب يامن اذا دعي اجاب واذا سأل اعطى
ارزق اختي بالزوج الصالح المحترم المثقف المؤدب الطيب والحنون والوسيم والغني والي يسعدها ويهنيها ويارب ارزقها منه الذريه الصالحه وارزقهم...
يارب ترزق جميع بنات المسلمين بالستر والعافيه والراحه النفسيه والعاطفيه
اللهم امين

جوان.

24-09-2022 - 01:12 am

الله يرزقك والله انا بعد مثلك صح ماوصلت 30 بس على وشك واختى اصغر منى متزوجه والناس دائما تسال ليش اختك تزوجت قبلك
عادى ياقلبي عايشه حياتى وماهمنى احد وان شاء راح نتزوج باذن الله
بقولك شي صديقتى عمرها32 توها تزوجت قبل شعر واحد مو متزوج ومبسوطه ماشاء الله

~وتين الورد~

24-09-2022 - 02:13 am

الله يرزقك
ويفرج هم ياقلبي
ولانسين احنا بشهر فضيل رووحي كل يوم صلي التراويح وادعي لله وان شالله بتلقين الفرج قريب يارب

حلا كوول 2009

24-09-2022 - 03:14 am

كيفك حبيبتي
شو يعني الثلاثين قمة النضج والانوثه
احمدي ربك على النعمه عشت مراحل عمرك كامله الطفوله والمراهقه والشباب
اكيد تعلمتي وكملتي دراستك وغيرك ماحصل له يتعلم
لاتطلبين من الناس تدعي لك ادعي انتي ربك بيقين ثقي بالله وربي كنت مثلك بس تغيرت
اقري ردي على العضوه ملامح دبدوبه
العمر ماله دخل بالزواج ولابالانجاب هذا قسمه ومكتوب
انا اختي اصغر مني تزوجت هذا انا عايشه والناس تتكلم شو بيهموني فيه بانتحر علشان ارضيهم
واغضب ربي
لايجي ببالك انك متزوجتي عشان ناقصه لاوالله نصيب مكتوب
لو حفرتي الصخر مراح تغيرين المكتوب
بقولك قصه صغيره احنا 6 اشخاص ولدنا بنفس السنه 3 اولاد و3 بنات وكنا نلعب مع بعض واحنا صغار
الحين الاولاد كلهم تزوجو ولهم اولاد والبنات وحده ملكت وتوفت قبل الزواج مكتوب والثانيه ملكت
وتوفى زوجها قبل الزواج مكتوب والثالثه انا لاملكت ولاتزوجت ولاشي الوحيده فيهم الي متجمده
حياتي
بقولك قدر
اعلى مراتب الايمان الايمان بالقدر خيره وشره
جاني ضغط من الهم ماحد اهتم الان وصلت لقناعه اني مافكر بالموضوع والي الله كاتبه بيصير
مو انا الي قدرت هالشي الله
ومراح امرض نفسي واعتزل التجمعات علشان انا ماتزوجت لا والف لا
انا الان 31 سنه العمر كله ان شاء الله واقضيه في طاعة الله والرضاء بالقدر والمكتوب واليقين التام بان الله راح يعوض صبري خير

نجد الحبوبه

24-09-2022 - 04:15 am

ليش تقولين كذا
بنت عم ابوي تزوجت وعمرها 37 وواحد ماسبق له الزواج وماجستير والحمدلله صارلها ولد وبنت
ليش يائسه انتي
تفائلي

بنات محتاجه دعواتكم برمضان←
قد يكون منكم من لو أقسم على الله لأبرة→