بالله رايكم بسرعه

1. السلام عليكم


2. بس حبيت اخذ رايكم في اللي صار قبل شوي ،، ابي اتاكد انا غلطانه ؟؟

السلام عليكم

بس حبيت اخذ رايكم في اللي صار قبل شوي ،، ابي اتاكد انا غلطانه ؟؟

كنت بالمطبخ انظفه واشطبه التشطيب النهائي ، مع العلم ان المطبخ بالحوش واهل زوجي بالدور الثاني مو الاول وانا بالدور الثالث ، والمطبخ مشترك يعني كل اكلنا مع بعض ، المهم وبنتي الصغيره ( 6 شهور) معي بالحوش بهالبرد المهم وانا طالعه خلاص بالدرج سمعت ام زوجي تقول لولدي الصغير خل امك تطلع القهوه ( مع اننا تقهوينا المغرب وخلصنا ) المهم زوجي كان على الدرج بيطلع بيتنا وهو على باله اني ماسمعت امه ، قال لي انزلي جيبي القهوه ، انا صراحه انقهرت من امه بس ماحبيت اسوي مشكله ، قمت ضحكت وقلت خلاص راحت عليكم لاني خلاص طلعت فوق ،، قال لي انزلي اقوللك جيبي القهوه ( وهو طالع ومايبي يتقهوى) قلت بنتي على يدي ، قال (ذبي بنتك) هنا ( قصده ببيت اهله ) وانزلي جيبي القهوه، عادي ذبيت بنتي النايمه على قولته ونزلت جبت القهوه ،، وطلعت بيتنا ، الا هو ماد بوزه ؟؟؟ طنشت الا شوي يقوللي انا شلون اقوللك جيبي القهوه وانت تستخفين دمك وتقولين خلاص طلعت؟؟؟ قمت تهاوشت معه وماخليت له ولامه ولابقيت له، قلت علشان انا ذوق واساعدها كني الشغاله حقتها ( الشغاله مابعد جت من الاستقدام) صدقتو انفسكم اني شغالتكم لا وتنافخ بعد، اصلا لا انت ولاامك تستحون ، امك لو انها تستحي وانا الصادقه كان مانادت علي انا الحرمه ام العيال اللي بنتي على يدي والي انا اصلا قاعده تحت انظف لها مطبخها علشان اجيب لها قهوتها جعلها ياربي ماتنزلها ، كان نزلت بنتها والا بنت بنتها اللي بالثانوي ( ساكنين معها )تجيب لها القهوه مو تنادي علي انا ، لكن انتم تعودتم على الشغاله حقتكم ،، والله وانا الصادقه والله بيتي يظل معفن الين ماخلص من خدمتها ومساعدتها بالطبخ لبعد المغرب قسم بالله ، لانها بطيئه بالطبخ وتعل القلب مع العلم انها تطبخ لقافه ماتحب تاكل الا من يدها والا تعبت اوانا اقول خلاص ترتاح وانا اطبخ لكن اللقافه ذابتحتها ..
المهم اني انقهرت من زوجي وتكلمت عليه وعلى اهله كلهم وقال لي اصلا انتي قليله ادب ، قلت علشاني اطلع حقايقكم صرت قليله ادب؟؟ اصلا لواني قليله ادب ماتحملتكم .. ومد بوزه زياده وبعدين قام نام
انا غلطانه ؟؟؟؟؟