باي للشعر الابيض

ا لسلام عليكم ورحمة اللة وبركاتة كيفكم .....................اليوم بس قطعت الشك باليقين صار لي فترة وانا ادور عن خلطة بديلة عن الصبغات الكميائية عشان ماما وسمعت عن الكاتم إللي يخلي لون شعرك اسود وخليتها تجربو وهو بسيط جدا وهو عبارة عن مرحلتين اول شي لازم تعملي تثبيت لون وهذي طريقتو
تأخذي 2ملعقة من دم الغزال الاصلي وهو عبارة عن بودرة وقبل ما تستخدمية خذي منو شوية وحطيه مع الموية إذا امتزج يعني اصلي وإذا انفصل عن الموية يعني مغشوش و2ملعقة من الحناء او3 3 على قد شعرك اوكي وتخلطية بموية الشاي الكوجراتي او الكركدية بعد ما تغلية .................وسبية يتخمر ساعة بعدين حطية في شعرك واتركية لمدة اربع ساعات تقريبا لا تنقصي..... إسمعي الكلام وثاني يوم قومي بالخلطة الثانية وهي3 او4 ملاعق من الكاتم حسب شعرك بس اهم شي يكون اصلي لونو اخضر مع علبة لبن زبادي اي نوع ما يفرق وفنجان قهوه موية واول شي تخلطي الكاتم مع الموية لما تروح العصلجة او الكلاكيع وبعدين تحطي الزبادي إلى ان يصبح شكل ثقل الخلطة زي الزبادي واتركيها تخمر ساعة وبعدين حطيها في شعرك واتركيها فوق الاربع ساعات وافضل شي نامي فيها ولا تقللي الوقت وبعدين تدعي عليا وكرري العملية وراح تشوفي الفرق مع الايام بس مو كل الخلطتين بس الثانية إللي تتكرر يعني مرتين في الإسبوع وبعد شهر حتشوفي الون الابيض كتم وما صار ساطع
وبس هذي هي الوصفة بس ها مو تحرموني من دعواتكم ومشاركاتكم إللي تكتم اقصد إللي تسعد القلب