بدأ التسجيل بجامعة الملك فيصل للترم الثاني آنتساب مطور

şţôôρ•«

26-03-2022 - 12:11 am

السلام عليكم
شخباركم ياحلويين ؟!
حبايبي اللي حابه تسجل بجامعة الملك فيصل انتساب مطور تتفضل ع هالرابط
http://www.kfu.edu.sa/ar/Deans/elearning/Pages/accpet-proc.aspx
ويقبلون الشهادآت اللي مرت عليها اكثر من 10 او 15 سنه
وتكون المحآظرآت عن طريق الموقع ويكون بث مباشر مع الدكتور
والتخصصآت (تاريخ - جغرافيا - علم اجتماع - اللغه الإنجليزيه - اللغه العربيه - تربيه خاصه)
والرسوم كل ترم (2465)
واللي حابه تستفسر اكثر تخش الموقع
http://www.kfu.edu.sa/ar/Pages/Home.aspx
بصراحه فرصه يابنات
انا سجلت الحمدلله والله يوفقني ويوفق الجميع

التعليقات (9)

şţôôρ•«

26-03-2022 - 02:40 am

اللي عندهآ آي سؤال تسأل وآحآول اجآوب عليه ان شاءالله
الله يوفقكم يابنات
/

ســلمى

26-03-2022 - 03:41 am

تسلمين الله يعطيك العافيه
اختي ان شاء الله بتنتسب
لكن اذا صار معدلها زين
هل ممكن تكمل منتظمه؟؟
انا نفسي انتسب..
بس باي جامعه بالرياض..؟
واغلبها ما يقبلون..حسب علمي..؟؟
اذا عندك معلوماات
الله يسعدك تخبريني..

şţôôρ•«

26-03-2022 - 04:42 am

اهلين سلمي
ايه ياقلبي اذا جآبت معدل 3.5 من 5 السنه الثانيه تكمل انتظام ان شاءالله
لكن يجب ان تكون شهادتها الثانويه مامرت عليها اكثر من 5 سنوات
واللي مرت على شهادتهم اكثر من 5 سنوات مايقدرون ينتظمون فقط انتساب
قلبي هذي جامعه المللك فيصل بالشرقيه الدراسه عن بعد بس الاختبارات تكون بالجامعه
واذا مثلا كنتي بالرياض يحددون لك مكان بجامعه بالرياض تختبرين فيه انتي وغيرك
هذا اللي اعرفه قلبي
قلبي جامعة الامام فيها انتساب بس التسجيل سنوي اتوقع يعني بداية كل سنه
بس الرسوم 3000 كل ترم
هذا المعلومات الي عندي اذا عندك اي سؤال تفضلي اسألي
والله الموفق

أم غيداء وراكان

26-03-2022 - 05:43 am

الله يجزاكى خير على الموقع
فتح التسجيل بس لم الدخل البيانات فيه خطاءفى المعدل التراكمى يليت تعلمينى كيف

şţôôρ•«

26-03-2022 - 06:44 am

ويجزآك خير حبيبتي
حبوبه حطي الفآصله العشريه
كذآ يعني
72 . 22
الفاصله العشريه = شفت + ز
جربي وشوفي وش يطلع معك قلبي
موفقين

عيون تذرف دمعها

26-03-2022 - 07:45 am

ôô •«
آلآ الان لم يتم تحديد مكآن الاختبآر بالضبط ..
لكن عرفنآ وش المدن اللي فتحوآ فيهآ مقر للأختبآر ..
أمآ الاختبآر يكون بالجآمعه هذآ غير صحيح ..
والرسوم ليست 3000 ..
الترم الاول : 2465 ريال .. وبآقي الاترآم : 1980 ريآل سعودي

şţôôρ•«

26-03-2022 - 08:46 am

عيون تذرف دمعها
إلآ الاختبار يكون بالجامعه اجل وين بالبيت؟!
واللي حآبه تتأكد اكثر تدخل موقع الجامعه وتشوف
بس وقت الاختبارات راح يقولون مكان الاختبار وين وكل وحده وحسب مكانها
هذي المعلومات اخذتها من موقع جامعة الملك فيصل
انا اتكلم عن رسوم الجامعات الثانيه اللي تكون 3000 هذا اللي سمعته وانا قلت اتوقع
بس جامعة الملك فيصل 2465 ريآل

لمو دوت كوم

26-03-2022 - 09:47 am

أختي جزاكي الله خير على الخبر
هل أنتي متأكدة إنهم يقبلون اللي شهادتها أكثر من 10 سنوات لأن أختي مطلقة والحين طفشانة من جلسة البيت ودها تكمل داراستها
الله يوفقك ردي علي كيف عرفتي ؟؟؟؟
وهل إذا اختارت تخصص انجليزي يسوون لها اختبار قبول وإلا لا ؟؟؟؟؟؟؟؟؟؟؟

şţôôρ•«

26-03-2022 - 10:48 am

ايه ياقلبي متأكده مليوون بالميه واذا حابه تتأكدين شووفي هالرابط واقريه حبيبتي
هذي اسئلة بعض الراغبات بالتسجيل و وكيل الجامعه يرد عليهم على مااعتقد
وانتي من خلال هالأسئله راح تلقين سؤالك يالغاليه
http://www3.kfu.edu.sa:8800/kfuadmis...misRepView=102
والله الموفق

كيف اساعد اطفالي على التركيز في الفصل←
مدآرس السعوديه الأهليه→