برنامج العناية اليومية بشعري الطويل ربنا يباركلى فيه

1. انا جاية احكيلكم : البرنامج الكامل للعناية بشعري


2. قبل ما اغسل شعري بساعتين بعمل حمام زيت من زيوت مفيدة للشعر +نخاع


3. ومش عارفة ارفع صورتها موجوده على جوجل


4. ساعات بقى بلف شعري او اعمله ديل حصان واسيبه ينشف وحده

هاي يا احلى فراشات ..كلنا عارفين ان تاج المرأة شعرها وبنصرف عليه فلوس كتير عشان يكون احلى شعر

انا جاية احكيلكم : البرنامج الكامل للعناية بشعري

اولا انا باخد مكملات غذائية عشان اكون مغذية شعري من الداخل والمكملات دى مفيدة ومفيهاش اى ضرر ولا اى تحذيرات استخدام عشان افضل اغذي شعري من جوة ومن غير ما امشي على الفيتامينات اللى ممكن تضرنى مع طول مده الاستخدام وفى تحذيرات طبية من بعض الفيتامينات وفى حوامل ممنوعين منهم فى شهور معينة
ودى المكملات الغذائية اللى انا عايشة عليها فى الموضوع بتاعى ده
سر جمال بشرتى وشعري وقوة اظافري(حتى لو كنتى حامل)
باخدهم كل يوم بالجرعة المحدده فى الموضوع
ثانيا: بغسل شعري يومين فى الاسبوع السبت والاربعاء لان دول اجازتى من العيادة

قبل ما اغسل شعري بساعتين بعمل حمام زيت من زيوت مفيدة للشعر +نخاع

انا عندى زجاجه زيوت انا مركباها هما حوالى 30 زيت اهمهم:الزيتون والخروع والصبار وجوز الهند واللوز الحلو والبندق والسمسم والخس والجزر وكبد الحوت والبقدونس والقرنفل والجنزبيل والروز ماري والجرجير والحشيش الاخضر والحية والجوجوبا وحبة الرشاد والغار والشبت والفجل والكرفس وجنين القمح وحبة البركة و...
بحط معلقة كبيرة منهم مع معلقة صغيرة من النخاع(بكون جايبة نخاع المواسير من الجزار ومسيحاها على نار هادية لحد ما تبقى زيت وبحتفظ بيه فى علبة فى الثلاجه بتكون زي السمن وباخد منها قبل كل غسلة)
بغسل شعري اول شطفة ب ماء دافيء مايل للسخونه عشان اطلع دهننه الزيوت
بستخدم شامبو REVIVOGEN لانه خالى من السلفات المضرة للشعر وكله غذاء ضد سقوط الشعر
ودى صورته
ثالثا: وبعد ما اخلص غسيله بحط الفوطه على راس لحد ما تمتص المية اللى بتشر
بعدها بسلك شعري بحمام كريم هيربال ايسنسز باى باى ج فاف وبسلك شعري بمشط واسع من تحت لفوق
ودى صورة احلى حمام كريم جربته فى حياتى
بسيبه على شعري 5 دقايق بالظبط وبشطفه بعدها كويس وبيكون شعري سالك وناعم خالص تحت المية
بحطه فى الفوطه من غير ما افرك فيه لحد ما المية تمتص خالص
رابعا: بجيب امبول BIOBLAS بفضيه كله على فروة الراس مع التدليك ومبيتشطفش.

ومش عارفة ارفع صورتها موجوده على جوجل

ساعات بقى بلف شعري او اعمله ديل حصان واسيبه ينشف وحده

خامسا: كل يوم قبل ما انام اعمل شعري ديل حصان واحطه كله جوة بونيه (البونيه الطبى اللى بتلبسه الممرضة او العيان اللى بيعمل عملية) عشان فرك شعرك فى المخده وخصوصا اما يكون طويل بيقصفه والبونيه عشان فيه استيك مبيقعش وانتى بتتقلبي
انا كدة خلصت الموضوع ومستنية رأيكم ودعواتكم ليا ربنا يتمم فرحي على خير