بشره غريبه

<دمعة فرح>

30-03-2022 - 10:28 pm

انا مستغربه من بشرتي يختفي الظل من عيني
انا ماخذه دورة مكياج ولما امكيج نفسي ثواني فقط وتحلفين اني ماني حاطه
ظل رغم انه ظلي حق الكوفيرات
ماهو السبب؟

التعليقات (9)

جودالحب

31-03-2022 - 01:08 am

اهلين فرحه شوفي في قلم اساس للشدو والشفايف ينباع عند ماكياجي جربيه هو يعتبر مثبت للشدو والروج

<دمعة فرح>

31-03-2022 - 02:09 am

شكرا اخت جود الحب
لكن اش سبب اختفى الظل
واين الاخوات

دلوعـة زوجها

31-03-2022 - 03:10 am

فعلا انا مثلك تماما احط واكثر بعد وشوى وكانى ماحطيت ياليت اللى تعرف انواع لظل ثابته تدلنا

ودّ

31-03-2022 - 04:11 am

بما انك اخذتي دورة مكياج.. اكيد تعلمتي كيف يثبتوا الشدو حق الصالونات.. وكيف يصير غامق..
بليز اذا عرفتي قولي لنا..

قطوة سودا

31-03-2022 - 05:12 am

جوفي حبيبتي او انج تاخذين شادو قلم و الي عند مكياجي روعة ابد مايسيح ولا يروح و يكون اساس للظل>> بس ماتوقع كل الالوان موجودة انا عندي الاسود روعة بس ماتاخذينه الا مع المجموعة
او انج تاخذين بيس للعيون مثبت تلاقينه عند ماك و ميك اب فور ايفر
و جربي هالطريقة انا سمعتها من بنات في المنتدى و جربتها فعلا تنفع>> وزعي الكونسيلر على منطقة الجفن كلها و خليه اساس للظل و راح تطلع الالوان واظحة و قوية و ماترووح

<دمعة فرح>

31-03-2022 - 06:13 am

شكرا اخواتي علي مروركم
اخت ود اناماخذه دوره عند ملاك واطبق الدرس بالضبط
وهواني احط الاساس وماحط بودره على الجفن العلوي واستخدم ظل كرولاين
الكل يقول مكياجك حلو بس الظل موواضح

ملاك الأمل

31-03-2022 - 07:14 am

لانك انتي اخذك للون غلط
عمري انتي تستخدمين كريولان وكريولان روعه ترى
خذي اللون وجربي على يدك كذا مره الى ان يوضح
اخذ الظل صح انك تضغطين الفرشه باللون ضغط وتحركينها يمين ويسار ع خفيف " مو تحفرين الظل "
بكذا تتمكن الفرشه من اللون ويوضح معك باذن الله
امانه ان نفعت معك ادعي لي ان الله يفرج همي ويشفيني ..
انتظر نتيجة تجربتك

<دمعة فرح>

31-03-2022 - 08:15 am

الله يفرج همك وغمك ومتعكي بالصحه والعافيه دنياواخره ان شاء الله
اختي ملاك الامل ا دعي بهذا الدعاء يوميا (حسبي الله لااله الاهو عليه توكلت وهو رب العرش العضيم)
سبع مرات

قمر مليون

31-03-2022 - 09:16 am

شوفي حبوبه .. انا استخدم كريم اساس سائل .. للبشره الحساسه من شانيل .. وبصراحه روعه يثبت اوكي .. حتى مره رحت صالون ووديته معاي على شان يحطون لي منه .. ولما شافت هالماكيره قالت هاي روعه ويثبت الشدو والميك اب كله .. ولما رحت لها مره ثانيه حصلته عندها وقالت لي انها تحط للزباين بس على عيونهم على شان يثبت .. واللي بشرتها حساسه تحط لها على ويهها كامل ^_^
بتحصلين العلبه دائريه سوده .. اتمنى اني افدتج

ممكن سؤال←
حق بنات الجبيل بس→