بعض العرب

بعض العرب حبه يوردك الجنون
ولا يوصف له غلاه احكاكله
مايقنعه وصف الغلا لو وش يكون
لوكل حرف بالحرير يحاك له
الموت جاك وهو تقليه الضنون
ولا لك الا الصبر وش وداك له
ان قلت ضايق قال هونها تهون
مايدري ان ضيقتك له وبكاك له
تقعد تحبه وانت ساكت ومغبون
يمكن بيوم يقال له مااوفاك له
وكانك مشكك هويمون او مايمون
تخيل ان عفت الصبر فرقاك له
غلاه من فوق الغلا ماهو بدون
وحكاه سمعك يجبرك بارخاك له
ودك تحطه فالعيون من العيون
وتبسط على رمضى الثرا يمناك له
وتظله من الشمس في ظل الجفون
والايمر اذنه سوا لبك له
وتسج من غيره لونهم يذكرون
ومنين ماسجت القدم ممشاك له
فلو يميله الترف ميل الغصون
غصن اليان ومكرمه بسقاك لع
جديله الى اقفى سترمنه المتون
كني بريحه لالتفت لدعاك له
يزها الملابس اي لبس واي لون
وفالليل وجهه لاظهر قداك له
كيك وعسل لكن ماهو في صحون
ودعاكمن عين الحسود اغطاك له
الله لايعطيه ناس ينضلون
ويستر عليه من النحل لاياكله
الوصف والتعبير في وصفه يخون
غير اطلب الله يستجيب ادعاك له
وعذال قلبك في محبته يخسون
سكينهم عن قطع حبله حاكله
اللي من الحوم لاوادم ياكلون
وحلوقهم دافع البلامتواكله
ناس عن اعراض العرب مايعرضون
ودايم على نفس الشكل والشاكله
في سلمهم اولا بالاكل الاقربون
واطيبهم اللي صيدته شكواك له
يدعيهم الشيطان للذنب ويجون
هذا يقطع له وذاك يواكله
من جاك منهم لاتبين له سنون
واضرب يمينه لابغى يسراك له
ياجعلهم فدوة ثر الغض الفتون
اللي على الدرب الطويل اخطاك له
طيفه الى نام البشر زارك بهون
وطيفك الى نام البشر سراك له
حبه دفان ومقبرة خضر الطعون
بين العظام العوج كنك ناكله
فلو غلايوردك حوض الجنون
ولايوصف له غلااحكاك له
منقوله الشاعر المبدع شاعر المليون (محمد بن حمد ابن فطيس المري)