بليز أبغى السنعات يدخلون يسنعوني والله خايفه أخسر زوجي من أسلوبي البايخ

السلام عليكم ورحمة الله وبركاته
كيفكم صبايا أن شاء الله منًآح
بصرآحه وبدون أي مقدمات أنا أنسآنه أبغى مسآعدتكم لو تكرمتو
وآتمنى أنكم ماتقصرون بليز أمانه تكفون والله آني آكسر الخآطر
مشكلتي ( أسلوبي) ماعندي أسلوب في المره .. وأنا لي 4 شهور متزوجه
أحب زوجي وأموت على التراب اللي يدوسه برجله وهو يحبني موت
بس ماأعرف أقول له كلمتين حلووه
ودي أعبر له عن حبي ودي أغازله بس مآآآآآآآعرف
يكسر خاطري والله دايم يقول قولي لي أحبك وماتطلع الا بع طلعت الروح
وأنا والله دايم أقولها بكل ثانيه بس بقلبي مدري ليه ماأقدر أقولها له
وتخيلو يابنات اذا قام يغازلني انا وجهي أقوله خلصنا وانا أكون خآآآقه بس مدري ليه أقوله أسكت وأحيان انطم بس
واذا ناداني أقوله ( هاه)
ورقمه عندي بس رقم ماله أسم
ولا ادلعه في أسمه
والمشكله ان زوجي رومنسي وانا انبسط على رومانسيته بس هو مسكين يبي اللي يبادله
وأنا ماوراي فايده
يا حايتي كل يوم يجيب لي هديه وأنا بحياتي ماجبت له هديه واذا فكرت اجيب له
اجلس افكر وش أجيب ولازم تكون هديتي ماتقل عن هداياه وأمل وأقرر أني ما أجيب له عشان أريح راسي بس بنفس الوقت أصير مفتشله من حالي
أنا الحمدلله كامله والكامل الله ومايعيبني غير أسلوبي
وانا بداية زواجي كنت أقوله سوري ماعندي أسلوب وماعرف أعبر وكان يقولي عادي أنا راضي فيك
بس الحمار الحين مل وأنا مألومه يقول مو معقول تستحين مني وانا زوجك وحبيبك
مو معقول ماتدلعيني
أمس فشلني وأنا مسويه مستحيه وأدلع مع وجهي
قلت له وانا ادلع زي حليمه بولند خلصنا يا فلآآآن نفخ علي يقول انتي بس خلصنا خلصنا
ماعندك غير هالكلمه وسويت بعدلها قلت بدينا طيب بس قالي تصبحين ع خير
أنا الحين أبيكم تقولون لي كيف أدلعه في الكلام وش أقوله كيف اناديه
اذا قالي تحبيني قد ايش كيف أرد عليه >>> دايم هذا سؤاله
وأبيكم تقولون لي أسماء بدويه قصيميه جنوبيه أمريكيه أناديه مثل عيون ابوي وأبوي
وأبي كلمات حلوه انتو تقولونها لازواجكم وتحسوون انها تبسطهم ودي أبسط زوجي
وأحلي فمي الناشف وقولولي اللي تبون تكفون
سنعوني بليز
خواتي ماعندهم غير غيري أسلوبك واذا قلت وش أسوي قالو ماندري
مالي الا الله ثم أنتم
والله الرجال آخرتها بيعطيني طاف وأنا خايفه أحده للأنحراف خ بس والله صدق
أستناكم