بناآآآت قولوو للصبغه السودا باآآآآآآآآي جبت لكم الطريقه بالصور

السلام عليكم ورحمة الله وبركاته
اهلين بنات شخباركم؟؟
المهم قبل كم يوم نزلت هنا موضوع وقلت لكم باركو لي ارتحت من الصبغه السوداا
وكنت حابه انزل الموضوع على طول
بس صاحبته مارضت والحين وافقت بعد عدة محاولات
يلا ببدا اقولكم
روحو لاي محل يبيع ادوات واغراض مشاغل وصالونات
ويكون عنده ماركه DIKSON
تشترون هذي العلبه
انا عن نفسي اخذت علبتين لان شعري طويل
اوكي
طريقة الاستخدام ..
لازم احد يحطها لك لازم
تجيبين بلاستك زي حق الصبغات في الصالونات انا شريته ب 5 ريال من محل التجميل
وفرشاه نفس اللي يستخدمونها بعد في الصبغات اوكي
تاخذين العلبه الاولى وبتلقين مكتوب عليها رقم 1
+
العلبه الثانيه ومكتوب عليها رقم 2
تخلطينهم مع بعض كويس
وبعدها تاخذين العلبه الصغيره هذي
وتحطين نصها (( اما اذا كنتي مستخدمه علبتين فحطيها كلها ))
بعد تخلطينهم كويس .. وتبدين تخلين احد يحطه لك زي مانتحط الصبغه
خصله خصله وتفرقين الشعر بطريقه مرتبه وينحط
لما تخلصين البسي قبعه بلاستيك .. واجلسي تحت حراره 25 دقيقه (( انا عن نفسي شغلت الاستشوار وخليته عليه))
بعدها روحي غسلي شعرك عادي شامبو وبلسم وبتحسين ان شعرك احترق (( زي حالتي انصدمت)) بس بعدين لما يجف لالالا عادي مره ولايتغير
المهم بعد ماتخلصين من الغسيل وشعرك مبلل حطي النص اللي باقي من العلبه الصغيره وخليه على شعرك 10 دقايق ووبس ..
بعدها غسلي شعرك عادي شامبو وبلسم والافضل انك تصبغينه على طول
وهو مبلل
لاتنبهرون بالون نفس حالتي بعد ماغلسته عجبني اللون مره يجنن وقلت خلاص مابصبغ يوومين الا رجع زي قبل يعني الافضل ان الصبغه تكون جاهزه تخلصين غسيل
تصبغين على طوول
ولاتتركين الصبغه مده طوويله اكثر شي 15 د
ملاحظه :: لما تبدئين تحطينه لاتحطينه على الجذور ابعدي 1 سم
انا جا شووي على الجذور وحسيت بحراره
وتراه له ريحه شوي قوويه .. اللي يبي الدح لايقول اح
....................................
انا كتبت هالطريقه وعن تجربه .. المهم اني انا اخلي مسؤوليتي اللي تبي تجربها اوكي واللي ماتبي براحتها ..
مو بكره وحده تجي تقوولي شعري صار فيه او ماصار .. قلت لكم من اول انا اخلي مسؤوليتي
وامانه بكل وحده تاخذ الطريقه انها تدعي للي عطتني اياها بلخير وان الله يرزقها من اوسع ابوابه
وتدعي لي ان الله يحقق اللي في بالي
وسلامتكم ..
اختكم خوخه