بنات أدخلوا أبغيكم بكلمة راس

1. كلنا ندور على الشعر الصحي الحلو....و أغلبنا مسنترين بالقسم 24 ساعة


2. بقولكم كم شي ....كنصيحة مني .....


3. هذا كله لو بنتج شعرها زين و ما فيه مشاكل كتقصف او غيره...

السلام عليكم يا ببنات.....

كلنا ندور على الشعر الصحي الحلو....و أغلبنا مسنترين بالقسم 24 ساعة

بقولكم كم شي ....كنصيحة مني .....

1) يا بنات لا تجربون أي خلطة تنكتب على شعوركم....ترى مو كل شي يناسب...فأختارو خلطات معروفة مكوناتها ..و اللي اذا فادت ما ضرت...ترى أعرف وحدة..كان شعرها خيال...و امها بيوم جابت لها خلطة..سوت شعرها كأنه اسيام....و راحت كل الصالونات اللي تعرفهم و قالولها ماله حل الا القص البوي...و للحين يحاولون فيها ترضى ..و مو راضية تقصه..و امها كل يوم تقص منه شوي..و مو فايدة...و أقترحوا عليها ناس انه تتقصه لها و اهي نايمة...حتى لو مو راضية....علشان بعدين تضطر تروح الصالون....و ما تنحرق بصيلات شعرها .....
2) شي ثاني..الخلطات اللي تنحط..يا ليت تكون مجربه...علشان البنات ما تخترب شعورهم....
3) العين حق...فالبنات اللي شعورهم طويلة...خلهم دوم يقرون على نفسهم المعوذات.....
4) اللي شعرها مقصف أو ضعيف ....تقصه....ماله فايده طوله من غير زين....و بالنهاية ترى بتقصه غصب عنها ...
5) أول ما تلاحظين تقص قصي شعرج..لا يركب التقصف لفوق ..و تضطرين تقصين اكثر....و لحد يصدق انه فيه خلطة تشيل التقصف...يعني شنو منطقيا هل بتتلزق الشعرة من جديد؟؟؟
6) يا بنات حاولوا كل فترة تغيرون اللوك و تتفنون بالتساريح...لأنه ازواجكم بيملون من المنظر حتى لو طويل و حلو...ترى عندي اخت شعرها شطوله ماشاء الله و ناعم كأنه شعر هندية ...و ما شافت زوجها الا يقولها قصيه قصير...للحد اللي يبين رقبتج....و نزلت موضوع اطلب قصات لها....تبجي بس زوجها راكب راسه الا قصير ...ليش؟ لأنه مل من شكله...
7) الغرة تعطي انوثة و جمال للبنت....فأحرصي انه يكون لج غرة ..ويا كثر اشكال الغرات...بس ترى تصيرين حلوة و تكون دلع عليج....
8) قبل ما تستشورين الشعر...حطي سيروم او كريم حماية...ترى اللي معفس شعورنا هالاستشوار .....
9) لا تطولين شعرج وايد ....ترى الكل يحط عينه عليه....و بعدين تعب و ما تقدرين تسوين فيها حركات...و يسبب صداع...و من المقدمة يخف شعرج..من كثر الحمل من الشعر اللي ورا...طويل حلو بس طول مناسب مو يزحف على الارض...و حتى للركبة احسه بايخ..و ما يطلع جمال البنت لأنه على الاغلب بيكون مرفوع....بعدين لو طويل وايد بيكون بايخ .....
0- تحملي ترفعين شعرج كله جدام زوجج...خلي دوم مفتوح او على الاقل كذيل حصان او خصل نازله.....لا تسوينه مرفوع مثل العيوز الكبيرة في السن...شفايدته....ترى بعدين زوجج بيقولج قصيه ....لأنه شفايدته مرفوع و ملموم...شفايدة طوله؟؟؟؟؟؟؟
1-نقطة مهمة ...للي عندهم بنوتات صغار ....لا تقصين شعرها اذا حلو الا اذا أستشرتينها و ووافقت ...و بالطريقة اللينة ....لأنه فيه نسوان الله يهديهم يودون بناتهم الصالونات و يقصونه لهم..بدون ما يسألون بناتهم...
و يا عيني على البنت تكسر الخاطر و اللي بالمشغل تقص شعرها...مصدومه و حزينة...
دايما جهزوا نفسيت بناتكم قبل ما تقصون شعورهن..يعني قوليها ماما بيصير جذيه او هالطول..علشان ما تنصدم بعدين...و عطوهم هدية كتشجيع بعد ما تقصه....
مو تطولين شعر بنتج وايد ..و يوم تصنفين عليها..و تحشينه حش..ترى البنت بتحزن....بالتدريج قصيه لها...
البنوتات الصغار ماله داعي الشعر الطويل الوايد..احسه بايخ...و يكبرهن...اذا تبينه طويل ..مو مشكلة طول معين...بس للركبة او لنهاية الظهر ماله داعي...لأنها طفلة و تبي تتدلع فيه....

هذا كله لو بنتج شعرها زين و ما فيه مشاكل كتقصف او غيره...

لكن لو فيه تقصف و مهوب من النوع الزين...قصيه لها قصير ...لأنه طول بلا سنع ماله فايده......
لا تقولون لبناتكم لا تقصين شعرج و لا يلمسه المقص و من هالحجي...لأنه الشي الممنوع مرغوب..ما تشوفون اول ما تتزوج البنت تقص شعرها اذا كان طويل وايد..او حتى فيه بنات يقصونه من ورا اهلهم....بعدين يصدمونهم...
شعر بنتج ملكها مو ملكج تتحكمين فيه...
و سلامتكم