بنات الامارات تعالوا ابيكم شويه

افا وينكم ؟؟؟؟؟؟؟؟؟

خقاقه
اللي أنا فهمت إنها مغرورة
خلاف
يعني بعدين
امبزاي
برضوا اللي فهمت يعني مدلع عاد الله أعلم
فوالة
اللي يتقدم مع القهوة والشاهي التقديم وهو فواكه
وحلى وأكلات ثانية يسونها عاد الله أعلم
طبعاً أنا مو إماراتية ولا عمري رحت بس عاد
جاوبت عليكي من اللي فهمته من القصص
وإن شاء الله إنهم كمان يفيدونك أهل الإمارات
الملاك البريء

يا هلا والله باهل السعودية حبيبتي انا بشرحلج بعض الكلمات وبعض الكلمات صعب اشرحها لانها بلهجتنا ومالها معاني وايد الا اللي نحن نفهمه بلهجتنا واسلوبنا في الكلام
عنلاتك <<==== عنلاتك مثلا لما وحدة تكون موجودة بمكان وخطيبها موجود او حبيبها ويقولون لها البنات يلا قومي بنلعب تقول لا ما ابا انا بتم انتوا روحوا العبوا بروحكم واذا نحن فاهمين سر عدم روحتها معانا نقولها عنلاتج
رفتيه بحاليه <<==== ارحمي حالي وعبري او حني علي
مخور ، هذا اللبس اللي نلبسه في الاعياد وهي عبارة عن قطعة مطرزةعالصدر والايادي من تحت
هابه ، انتي كاتبة الكلمة غلط الصح هب ويعني مب مثلا هب انا اللي كسرت الصحون يعني مب انا اللي كسرتالصحون
مذهب نقصد فيها المذاهب الشافعية والحنبلية و....................و................
خقاقه ، اللي شايفة نفسها عالناس
=======}}}}}}}
عياره ، مثلا لما الوحدة فينا ما تبى تروح المدرسة دلع ما فيها شى بس جذي وتتعمد تمرض وتصيح نقولها عيارة
بشرااع ، هذا مثل نحن نقوله بشراع من العصبية ولو كنتي يايبة الجملة كاملة احسن عششان اتاكد اذا هيه او لا لان كلمت شراع لها واايد معاني عندنا وعلى حسب الجملة ووين ماتكون
هبابنا ، منكرنا ودلعنا
منسده ، لها وايد معاني مثلا السكوت او الاذن لما تسكر على حسب موقعها في الجملة
حذال <<== حبيبتي انتي معناها جنب
صوبه <<== لها واايد معاني حسب موقعها في الجملة مثلا صوبنا يعني عبرونا او صوبنا يعني تعالوا عندنا وعلى حسب الجملة اللي تنقال
خلاف حسب الجملة
يهوس حسب الجملة
مفتركه حبيبتي تاكدي من الكلمة صح ناقلتها
الفسد تاكدي من نقلج للكلمة
امبزاي بالنجليزي يعني مشغول عاد تعرفين ما شاءالله علينا بنات انجليز هب عرب ههه
فواله عندنا حلاوة اسمها فوالة ونقول فوالة لما يكون في قهوة وشاي وحلوى حزة العصر وبالذات اذا وقتها كان في ضيوف
بن عروه <<== اسم قبيلة؟؟؟
الزلابيه حلاوة لونها احيانا اصفر وغالبا ذهبي عالبرتقالي اكتبي في صفحة قوقل حلاوة الزلابية في خانة الصور وبتطلعلج ان شاءالله شكل الحلاوة
ان شاءالله اكون افدتج حبيبتي ونحن في الخدمة لاي مفاهيم أخرى

الملاك البريء
الملاك البرئ
مشكوره اختي وماقصرتي الله يعطيك العافيه

القطوة
فديت اهل الامارات والله
مشكوره حبيبتي وماقصرتي .... الله يبيض وجهك ...
والكلمات اللي قلتي تاكدي منهم انا ناقلتهم من روايه بنفس الصيغه ماغيرت شئ
عموما كلمات كثيره توضحت لي مشكوره مره ثانيه