بنات البجرين عاجل جدا جدا جدا جدا

والله اختي للعرايس عندج صالون سلوى، صالون نجلاء أكثر شيء مشهورين وفي صالونات وايد
لكن ايقولون ان احسن وحده اتسوي تسريحات شعر اسمها وحيده في صالون رونق ويمدحون بعد عايشة البلوشي ايقولون مكياجها فضيع . .. والفساتين عندج فرشة العرائس عندهم فساتين خطوبه حلوين وفي مليكان وفيه ليدي موون وفي الرفاع بعد فيه محلات للتأجير بس ناسيه اسمهم وتقدرين اتروحين الزهراء بعد

صالون سلوى حلو من شهر كان زواج بنت خالي وراحت سلوى كلش حلوة سوتها وبعد وحدة تمكيج فقط اسمها فايزة في عالي شفت مكياجها في عروس وبنات بعد حلو وصالون نجلاء بعد حلو صديقتي راحت عندها يعتمد على كل وحدة شنو تختار من الوان وطريقة التسريحه والفستان لان في ناس يروحون عند سلوى وما يطلعون حلوين اما الفساتين اكثرهم يفصلون ليهم اجيبون القطعه من السعوديه ويخيطونها اهني بس انتي مستعجله شوفي فرشة العرائس او الرفاع والله يوفقك ومبروك

شكرا بعد بنات بليز لاتبخلون علي ؟؟؟؟
والله باصيح

لاتصيحين و لا شي للزم تتحكمين في اعصابج عشان يطلع كل شي اوكي
انا عن المكياج سمعت فردوس و ووحده لبنانيه اسمها فاطمه.. بس سلوى اذا تحبين المكياج الثقيل روحيلها انا ماتعجبني لان احب المكياج الناعم .. و عن التسريحه وحيده يقولون انها روعه و في صالون الزمرده في وحده اسمها بروني بعد فنانه ..وعن الفستان في السعوديه اذا بيمديج اتروحين مجمع المارينا مول في الدمام يمدحونه وايد .. وروحي بعد محلات البديع .. و جوفي الوسيط وايد حاطين ارقامهم ياجرون فساتين جوفيهم بعد.. نسيت اقولج سمعت بعد عن عائشه البلوشي انها زينه ..

شوفي حبيبتي بالنسبة للصالون عندج أشهر شي سلوى والعفراء
أما بالنسبة للفستان ففي أماكن وايد مثل ليدي مون و مليكان و فرشة العرائس وكلهم صايرين على خط البديع لكن ما أنصحج بفرشة العرائس لأن فساتينهم قديمة وشغلهم مو مظبوط أخت صديقتي عطوها الفستان ضيق و تفاجأت به في الصالون وما ينصك السحاب وسمعت بعد عن مصايب عنهم وعندج محل ليالي الفرح في سوق واقف هذا وايد حلو ودايماً متجدد و انصحج فيه ويعطيج الفستان قبل بفترة وفيه بعد منارس بعد في سوق واقف
هذا الي أعرفه و الله يبارك لج يا رب

الله يفرجها عليج لو اعرف صالونات ومصممين فالبحرين جان قلت لج

حبيبتي اذا تبين تطلعين حلوه ليله الخطوبه نصيحه مني روحي صالون العفراء تعدلي كامل اختاري للمكياج نرجس او أختها ثنتينهم مكياجهم روعه و بالنسبه الى الفستان في محلات وايد في شارع البدديع و اهم شي لا تفكرين في فرشه العرائس لأن فساتينهم مو حلوه و قديمه و مليكان احلى شي في شارع البديع و في سوق واقف منارس الحين منزلين تشكيله حلووه من الفساتين شوفيهم و إن شاء الله يعجبونج....
بالتوفيق غاليتي..،،

حق الشعر وحيده في صالون رونق
المكياج عاية البلوشي حلو بس بعد ماعندي خبره في المكياج
المسرح عندج جندل مسارحهم حلوه
ومبروك مقدما

اختي مبروك مقدما ....جوفي التسريحة صج وحيدة عجيبة و عندج بعدرسميرة الشكر وايد حلوة تسريحاتهم...المكياج عايشة زينة بس اذ انتي تعرفين للمكياج بيطلع احلى لان المكياج طريقته حلوة بس الالوان لج عليها ما تنسقها دايما ..اختها سعاد البلوشي روعة مكيجتني في عرسي و الكل يسالني عنمكياجها لكن للاسف صارت مقيمة في قطر و ماتيي الا بالحجز قبل بشهرين او 3 فانصحج فيها حق عرسج انشالله ...لكن جفت صور لصديقاتي متمكيجين في صالون سلوىو مكياجهم وايد حلو....عجبني وايد ...حق فساتين روحي السعودية احلىو ارخص..لكن اذا تبين في البحرين عندج شارع البوكوارة ما يقول شي .اللي في سوق واقف ما اعرفهم لكن فرشه العرائس ما قط دشيته بس من بره حكمت عليه انه (داق) .المسرح احلىشي جندل و الانصاري في الرفاع وايد فخم.و باقة يدج عندج لاريسا في البوكوارة اينن .
و انشالله اكون قدرت افيدج.