بنات البحرين حبيت آخذ رايكم

مرمريز اكيد بس سعرهم وايد ...

اشوف أغلب الناس تقول مرمريز أحلى بس اني اركز على ابسط الامور خصوصا اني اشوف طاولات ومسرح قصر الأفراح أحلى بكثير يمكن لأنهم جداد

طبعا
مرمريز
كل شيء فيها فخم
توني البارحة رايحه عرس في قاعة "2"
واي روعه .. السقف بالثريات بالارضية بالطاولات
و المسرح صاير كأنه خيمه مخملية
فظيع .. و البوفيه وايد راقي
و بصراحه سعرهم مو غالي .. تسوى
في زواجي اخترت قاعه "1" و طبعا معاها كل شيء
(( صاله + بوفيه + تصوير + بطاقات + دي جي + كيكه 4 طابق + مجلس و عشى للرجال
و عشى للعروسين + عصير مزين في كاسات حلووة للعروسين + مكسرات و معجنات و عصير للناس))
يوم حسبت كل شيء لحاله .. تصدقين طلع اغلى من السعر اللي عطونى اياه
انا بصراحه قصر الافراح مع ان صار خطوبه اخوي هناك و خطوبة اختى
بس اكرهها هالصاله
سقف يلوع الجبد كأنه مستشفى .. اضاءة صفرا و ثريات مافي
مسرحهم ما يبدلونه .. هذا هو من 3 سنين
الدرج واي يخوف . . كأنه فيلم رعب
غير هذا كل شيء عندهم حرام حتى موسيقى كلاسيك ما يرضون يحطون !
و البوفيه مب ذاك الزود
ما يعجبني كلش
و بالنهايه هذا رأيي

نمولة .. سقف قصر الأفراح الزين فيه أن رفيع أرفع من مرمريز وحتى التشكيلة اللي مسوينها بقطع القماش في أعلى السقف حركة حليوة مع بساطتها.. ومسرحهم يمكن تغير هالمرة .. اني ما شفتها إلا من قبل شهر تقريبا .. كان مسرحها حليو في حين ان مرمريز مسرحها قديم يعني الحين المسارح في أبسط الصالات تكون VIP مرمريز مسرحهم كلش قديم ما تغير ! وفي الصور ما يبين حليو.. وطاولات مرمريز كلش كلش قديمة .. يعني بالنسبة لي هي مرمريز كانت حليوة بس صارت قديمة

زين وأيهي أحلى طيران الخليج لو مرمريز ؟

بنات بصراحة كثر السؤال عن الصالات وبعدين في النهاية تختارون الصالات مثل البركة الشبكة انتو شوفوا اول ميزانيتكم وبعدين تقدرون تختارون الصالة المناسبة..
على فكرة قصر الافراح الوع الجبد في تصوير الفيديو وحتى تصوير الفوتوغرافي بسبب الاضاءات الاصفر تنعكس على ثياب العروس الي في الكوشة حتى الاستديوهات يشتكون منها ... يجب الاضاءة تكون امام وبجوانب وليست خلف العروس
انتبهو لصوركم حسرة وانتو دافعين افلوسكم وبعدين تضلون اتصيحون ههه

طبعا
مرمريز