بنات البحرين من تعرف حناية للعرايس

معقولة و لا وحدة تقدر تساعدني
شكلي بتزوج بدون حنا

حبيبتي عندي حناية حناها روعة قليل علية لانها فنانة بمعنى الكلمة لين جفتين حناها بتندمين انج غفلتين عنها اسمها فاطمة من راس رمان اذا تبغين رقمها دزي لي مسج

واذا بغيتين تسوين هدايا المعازيم اني حاضرة وبانسب الاسعار وارقى الاشكال
ومبروك مقدما

ألف ألف ألف شكر
ما تدرين شقد متورطة، سمعت عن حناها إنه عجيب بس ما عندي رقمه و بالنسبة لهدايا المعازيم يا ريت تورينا نماذج جاهزة

والله ما عندي اي فكره
كنت اتمنى اني اساعدج
بس ليش ما تشوفين صالون عروس البحرين
او اي صالون
لان خبرج الصالونات ما يسكرون بالعيد
الا اذا كنتي تبين بالبيت فماادري

شكراً نور الغلا على الاهتمام و الرد و حصلت لي وحدة بس المشكلة إنها ما تقدر إلا الصبح و خايفة ما يصبغ الحنا

قرب زواجش اختي عقيق الف مبروك مقدما ومن هي الحناية الي حصلتيها

البنت الي عطيتيني رقمها ما قدرت تجي و عطتني رقم وحده و الله اني ما اعرفها بس من الحاجة حجزتها
و الله يستر

هاي عقيق
قوة شخبارج
بس تعالي انتي شلون تحجزين حنايه انتي مو متأكده من شغلها و لا سمعتي عنها ترى الحنه مهم و الوحده تبين انها عروس من الحنه بشكل واضح و لازم تحصلين حنايه حناها بمعنى الكلمة حلو حلو
و لازم يصبغ
اما اذا كنتي مظطره انج تحجزينها و انتي ما تعرفينها انتي اشتري الحنه من مكان موثوق فيه و انتي مجربته
لا تنصمين مثل حماتي حنتها وحده حنها مو ذاك الزود مو حلو حلو يمشي الحال و اللون الله وكيلج اصفر
و ندمت مسكينه و طار في اقل من اسبوع و قالت لي تبي احنيها عشان تحس نفسها عروس بس دخلت الكليه و ما صار جانس
ام
بصراحه عقيق انا احني و من زمان بس ما قط حنيت عروس و الناس دايما يقولون لي ليش ما تحنين عرايس و في العيد يجوني وايد و ينكسر ظهري من كثرهم و يسألوني تحنين عرايس لاء دايما احس اني ما عندي جرأه و خالتي دايما اسوي عليها تجارب
و هي مو مخطوبه و لا معرسه و كل مرة ربعها يسألونها عرستي و ما قلتي لنا و تقولهم بنت اختي تجرب علي حنه العروس
و يمدحونه لها
و دايما اشوف عرايس متحنين حنه يحرقص المياز يقهر و الحاله حاله استغرب منهم هاللي يمشون حالهم و يقصون على العرايس و يحنونهم و اهما ليلحين ما تطورو
المهم الظاهر اني طولت وياد و زبدة الحجي انه حاسبي الحنايه لازم تسألين عنها قبل
مو تفهميني غلط و تقولين تسوي دعايه حق روحها لالالالا و الله ما كان قصدي