بنات الشرقيه والله خليتو دمعتي على خدي

دلع طفوله

08-02-2022 - 06:22 pm

بنات قبل اسبوع يمكن او اقل من اسبوع طلبت منكم تساعدوني لاني وحيده وماعند لا قرايب يساعدوني ولا خوات اكبر مني اني اكبر اخت واول اخو عندي بيخطب بعد اسبوع وقلت لكم ابيكم تساعدوني بشعري وفستاني بس مااحد اهتم بنات وقال اللي وين القى فستان وقلت لكم اني دبه وسمراء وابيكم تدلوني اسم محلات والله اني فريت مجمع الظهران مالقيت شيء في بمارينا مول بس ابيكم تعرفوني وتساعدوني وش الالوان اللي تناسبني تكفون بنات واختي بتروح6ابتدائي قلت لكم بعد هذي بعمرها استجن ماالقى لها فساتين يليت تساعدوني وربي تعبت نفسين باقي اقل من اسبوع بنات وهذا اول فرحه لنا وابي اكشخ لالنه الكل من بنات عمي وبنات خالتي مايطيقوني وهم رشيقات ومايشتهوني فاكيد بيتكشخون عليي وهو اخوي ابي الصراحه اتكشخ عليهم وافرح بخطبة اخويي لانه لو مافرحت بخططبة اخوي متى بفرح والله اكتب الموضوع واني ابكي بنات وربي احس كتمه بصدري لانه ماعندي احد يساعدني.......

التعليقات (8)

سومه$$

08-02-2022 - 09:13 pm

يا قلبي والله لو أقدر كان ساعدتك .........
بس للأسف انا من جده...وإن شاء الله بنات الشرقيه يساعدوك

سومه$$

08-02-2022 - 10:15 pm

روحي للجمعه سيتي سنتر اذا عندك ميزانيه واذا ماتقدري في بالسويكت(الخبر)اشياء حلوه ورخيصه وفيها فخامه ومدام انها سمراء خل تلبس لون فاتح وانا ماانصحها تاخذ حرير مع انه موضت السنه بس لو تشتري فستان ناعم وفيه تدخيله حرير بيطلع عليها شيء...واهم شيء لاتاخذ فستان منفوش او كسرات لانه يمتن
واختها اللي بسادس خل تلبس وردي او اورانج لانه مناسب للبنات بهالسن
.................................................. .................................................. .................................................. ........
دوبني سألت وحده من صديقاتي بالشرقيه

رغـــــــد

08-02-2022 - 11:16 pm

اهلين حبيبتي
بالنسبه للفساتين الجاهزه انصحك بمجمع الجمعه ستي سنتر بالخبر وان شاء الله بتلاقين اللي يناسبك
وابتعدي عن الالوان الفاتحه
اما بالنسبه للمكياج فا أنصحك بمشغل الشعاع بالخبر على طريق البيبسي الخلفي لاني جربتهم بصراحه خبال شغلهم
وعندك كمان مشغل اللمسه السحريه بالدمام يمدحونه البنات لي
اتمنى اني افدتك فديتك
ولاتشيلين هم احنا بالخدمه ولايردك الا لسانك ياقمر

شاطيء الأمل

09-02-2022 - 12:17 am

صج حبيبتي نفس ماقالت سومه ورغد روحين لمجمع سيتي سنتر ترا فساتينهم روعه حيل احناا توناا رايحين شاريين منه وهو ماعلمه غالي حيل بالالف بس انصحك انك تروحينه لانه روعه قبل ماتخلص موديلته الروعه لايفوتك اوروحي الراشد اوماريناا موول او الشاطيء حتى هم فيهم و روحي بعد الاندلس بالمام
ترى روعه ولاتضيعي الوقت عليك ..
ترى احنا بخدمتك ياعسل

دلع طفوله

09-02-2022 - 01:18 am

تسلمون بجد فرحتوني وجبرتو بخاطري الله يكفيكم الشر ويكتب لكم بكل حطوه سلام يارب وابشركم يارب بالاحبار وادعو الله يوفقني ويوفق اخوي يارب واكون مميزه بينهم وماارجع بيتنا الا خاطبيني خ وربي ضحكتوني وجبرتو خاطري الله يفرحكم

دلع طفوله

09-02-2022 - 02:19 am

هالمره رديت عليكم مره ثانيه عشان اختي قعدت تحن عليي ارد عليكم انه مالقينا بمارينا ملابس اطفال فياليت تفيدوني فيه لو لا وتسلمون واكتبو لي اسماء محلات فيها فساتين بعمرها

ايلياما

09-02-2022 - 03:20 am

الراشد مليان ازياء للاطفال بعدين هي صغيره
وهذي خطبه حلو تلبس شي نعوم حلو لسنها مو فستان
تلبس تنوره طفوليه راقيه مع بلوزه او بودي طفولي راقي او فستان قصر وتحته برمودا قصيره
والوانها مبهجه واستشوروا شعرها وتلبس اكسسوارات بسيطه ولاتنسون اكسسوارات الشعر حلوة للاطفال
الميك اب حلو يكون مره خفيف وناعم بنوتي وبس

دلع طفوله

09-02-2022 - 04:21 am

تسلمين يالغلا والله يوفقك جبرتي بخاطري

فراشات الجبيل لحقوا علي فستاني خرب وش السواة←
استفسار خاص بفراشات جدة→