بنات الشرقيه

ملح الخليج

31-07-2022 - 07:05 am

السلام عليكم
إذا سمحتوا اللي تعرف رقم كوفيره شاطره (مكياج و تسريحات)تجي للبيت ياليت تخدمني وترسلي رقمهم لأن زواج أخوي في الصيفيه الجايه وحنا مجموعه كبيره من البنات فلو بنروح مشغل ماراح نقدر نجهز بالوقت المناسب وجزاها الله الف خير اللي تساعدني

التعليقات (9)

عروس القمر

31-07-2022 - 10:10 am

هلا اختي ملح الخليج
عزيزتي في اي منطقه بالشرقيه تبغين الكوافيره ..؟

ملح الخليج

31-07-2022 - 11:11 am

مشكوره يا عروس القمر أنك عطيتيني شيْ من وقتك الثمين ورديتي علي
أبغى الكوفيره تجي لي في الدمام سواء كانت من الدمام أو من الخبر أوحتى من البحرين ماعندي مشكله لأن حنا مجموعة بنات و فيه كوفيرات مايطلعون إلا للمجموعه وياليت لو تكون لبنانيه أو كويتيه وأهم شي تكون شاطره ولو تعرفين وحده شاطره في التسريحات وخاصه البيرم وتطلع للبيت ياليت ترسلين لي والله يجزاك خير...

ملح الخليج

31-07-2022 - 12:12 pm

حسافه تمنيت أن عشر اللي دخلوا ردوا .....

هجر

31-07-2022 - 01:13 pm

اختي0 بجيب0 لتج0 رقم0 بس0 وحده0 سعوديه 0اذا0 تبينه 0للحين 0بجيبه 0لتج0 وشكرا

سدرة المنتهى

31-07-2022 - 02:14 pm

السلام عليكم بالنسبه لشعر اعرف وحده قمه ورائعه لشعر اسمها رغد وتجي لأي مكان
وكمان اعرف وحده اسمها ميساء وسبق اني ذكرته في رد على وحده من العضوات مكياجها زي حنان دشتي في الدمام وتجي لحدك اذا تبين الارقام ارسلي مسج

روح الوفـــا

31-07-2022 - 03:15 pm

اختي فيه وحده كويتيه مكياجها حلو ثقيل اذا كنتي تحبين الثقيل مثل مكياج الكويتيات
اسمها فتوح... ومعاها ثنتين يسوون الشعر روعه...
اذا تبين ارسلي مسج وابشري...

الحب أنت

31-07-2022 - 04:16 pm

البنات ما قصرووا ..
وإن شاء الله بيطرشوون لج الارقام ع الخاص ..
السموحه منج ..
..

عروس القمر

31-07-2022 - 05:17 pm

البنات ماقصروا الله يوفقهم يارب ..

ملح الخليج

31-07-2022 - 06:18 pm

معليش تأخرت في الرد
بس من جد فرحة لما لقيت ردود لأني من جد تعبت وأنا أبحث عن كوفيره شاطره وخاصه أن الزواج زواج أخوي
فالله يفرج على كل وحده ساعدتني وردت علي وينولها اللي بالها
أختي هجر مشكوره وياليت ترسلي لي الأرقام
aaa1ياليت لوترسلي لي الأرقام وتقولي لي وش جنسيتها ومشكور ياقلبي..
روح الوفا مشكوره ويعطيك العافيه أرسلي لي رقمها
وأن إن شاء الله بشوفهم كلهم واللي تعجبني راح أحجزها
على العموم مشكورين وما أنسى أشكر عروس القمر __والحب أنت على الردود
وجزاكم الله خير

كرم اساس ماركه مبيلين في مكه←
عندي لكم حمرة شفايف تجنن وردية وتناسب الشدو البنفسجي والوردي روعه→