بنات الفراشة افكاركن

لوتست

12-10-2022 - 09:43 am

السلام عليكم ..
بنات .. انا ابا افكار غريبه لي غرفتي ...
عصرت مخي وما طلعت الافكار خ
انا خاطري اسوي غرفتي ستايل كلاسيكي فخم ..
بس محتارة وش اسوي لون الغرفه .. اول شي
كنت ابا اسويها 3 جدران بيضه وواحد مخطط بالاحمر
والوردي والا بيض بس ما بيعطيني الستايل اللي اباه
واللحين افكر في اللون .. البرتقالي .. و غيره وافكاري
مشوشه .. وكنت ابا اسوي حركات في الجدار و حولين الشباك
( الدريشه ) بس ما اعرف وش اسوي .. وانا محتارة اسوي زجاج ملون
ولا لا ...؟ لان احس اذا سويته بيكون فيه وايد الوان اخضر وازرق ... الخ
وما بيعطي فخامة .... بنات ساعدوني .. عطوني افكار ..للجدار ووش اخلي لونه
وحولين الشباك وش اسوي و غيره ... الديكور كيف يكون ... ابا افكار غريبه ..
عشان لما احد يدخل الغرفه يقول واو ..

التعليقات (9)

لوتست

12-10-2022 - 12:49 pm

بنات وينكم ؟

لوتست

12-10-2022 - 01:50 pm

بنوتات وينكم ؟

لوتست

12-10-2022 - 02:51 pm

بنات حرام عليكن.... كل ما انزل موضوع ولا وحده ترد ..

خلف السراب

12-10-2022 - 03:52 pm

ولا يهمك حبيبتي أنا برد عليك وش رايك تعتقين الغرفه بأحب الألوان على قلبك وتحطين رفوف صغيره في زوايا الغرفه وتحطين فيها شموع حمرا على شكل قلب وعبي الجدران بشكل متناسق بلوحات وصور بس تكون رومانسيه وغيري مفرش السرير وستارة غرفتك وخليه يحاكي الصور وحطي في سقف الغرفه النجوم الفسفوريه علشان لما تسكري النور تتخيلين نفسك نايمه تحت السما والله هاذاإلي قدرت عليه وممكن أكون أوحيت لك بفكره تكون غايبه عن بالك
موفقه يارب

مرسام مجتمع

12-10-2022 - 04:53 pm

مثل ماقالت خلف السراب والله غرفة النوم لازم تكون راحتك يعني الألوان اللي تحسين براحه لما تشوفيها
أوكي أنا بقلك على فكرة ان شاء الله أسويها أنا لغرفتي بس ادعيلي
جلسة مغربي
اللي زي الباطرما جلسة عالأرض بالمفارش والمصباح كل مغربي ويكون بركن بس تحاوطينها بستارة بحيث تصير منعزلة عن باقي الغرفة ممكن تخليها جلسة استرخاء ليك يعني تحطين فيها الكتب اللي تحبين تقريها أو أي شي تسويه وكمان لازم تكون الجلسة مريحة جدا
أتمنى اني أكون وصلتلك المعلومة صح

لوتست

12-10-2022 - 05:54 pm

خلف السراب الف شكر ليكي صراحة استفدت من الافكار
بس احنا بنتقل لبيت جديد واريد افكار للجدار والديكور ..
يعني عمال البناء اخبرهم عشان يسوها لي
مرسام مجتمع ... الف شكرك ليكي فديتك ..
بس ممكن توضحين اكثر ما فهمت الستارة كيف اسويها ...

الاسطورية

12-10-2022 - 06:55 pm

حبيبتي انا غرفتي مسويتها روعه كلاسيكيه شفتها بفيلم اجنبي لونها اصفر وبني كلمن يدخل غرفتي لازم يستغرب ويطالع باندهاش صبغت الغرفه اصفر هادئ وتقدرين وولبيبر بعد بس انا صبغت لان الوول بيبر مع الايام يتقطع اوكي والاثاث الخشب البني الداكن جدا يعطي شكل فخم والستاره فصلتها نص بني ونص اصفر كموني يعني اصفر يقلب على ذهبي وحطيت سجاده اصفر هادئ للارض وايد روعه ولقيت شموع بالمحلات نص اصفر ونص بني وحطيت اريكه صفرا بالنص مع كوشيات بني مخمل

سويت خط بلون داري تقريبا ههه

**وجد**5

12-10-2022 - 07:56 pm

موفقة عزيزتي الصراحة ما عندي افكار ان شاء الله البنات يفيدونج

مرسام مجتمع

12-10-2022 - 08:57 pm

خذيلك ركن أو زاوية
من أحد حيطان (حيطان جمع حائط خ) الزاوية تركبين عامود ستارة (العامود اللي نعلق عليه الستارة القماش)
على شكل زاوية قائمة بحيث نهاية العامود بالجدار أو الحائط الآخر
بكذا يصير الركن مقفل بستارة ومنعزل وطبعا مثل ماقلت بالركن يكون فيه أريح جلسة ليك

تصدقون والا لا←
طريقة لدهن بيتك بدون صعوبة→