بنات الكويت بليز

بنات شدعوه بتخيبون ظني فيكم ,,,ولا وحده ردت علي,,,

حبيبتى بذكر لك اسامي المجمعات المشهوره وفيها محلات ملابس للسهره
بذكرها على حسب المنطقة:
منطقة حولى :
1- مجمع المهلب حلو وفيه كثير من محلات الملابس اللى اسعارها حلوه
2- مجمع بيروت وايضا في محلات لملابس السهره ناعمة
3- مجمع النقرة الشمالي والجنوبي
4- مجمع حولي بلازا
منطقة السالمية: كل هذي المجمعات تقريبا عند بعض
1- مجمع مشهور المارينا مول مجمع كبير وعلى البحر وبجانبه ماركس سبنسر
2-مجمع الثريا
3-مجمع زهره وفيه محلات للملابس واشهرها الاسطوره.
4-مجمع الفنار
5-مجمع البستان
6- مجمع تالا
7-مجمع ليلى جاليري وفيه ملابس ناعمه
8-مجمع مريم
9- مجمع بلازا السالمية
عندك سوق السالميه بجانب دوار الجوازات وهذا سوق كبير فيه كل شي
وسوق شرق ايضا على البحر وفيه كثير من المحلات
منطقة الفحيحيل:
1- مجمع أجيال
2- مجمع الكوت
3- كويت ماجيك
منطقة الفروانية:
تشتهر منطقة الفروانية بالدراريع والعبي والملافع:
1- الحمرا مول
2- العربيد بلازا
الديره :
1-مجمع الراية فيه محلات راقيه
2- مجمع المثنى يكون مقابل فندق الماريوت وفيه كثير من المحلات
3-مجمع الاوقاف : متخصص بالدراريع
4- مجمع الصالحية كله ماركات وغالي
تعبت وانا اكتب ..ابيك تزورين كل مكان...
مع تحياتي
...
..
.

يعطيك العافيه ياقلبي كفيتي ووفيتي,,

هلا حبيبتي
وأسفه انا توني اشوف موضوعج :(
بس أغلي حبيبه ماقصرت
ولو إني أستغرب ........ يعني تركتي أسواق جده !!!! ودورتي بالكويت
أغلب محلاتنا موجوده بمدينه جده لكن نتفوق عليها بالدراعات لكويتيه
لكن إختي حياج الله بالكويت إنتي بين اهلج وناسج ..........

فديت قلبك بس انا جايه اتمشى وفرصه اشوف سوقكم ماشاءالله ما يعلى عليه ,,, اكيد ماراح اشكك كل اهل الكويت اهلي واحبابي,,,