بنات انا في ورطه ساعدوني تكفوون

ثلجه حااره

14-04-2022 - 10:56 am

اهلين بنات كيفكم ؟
بنات
شوفي قصتي اليوم والله اني متضايقه حيل عشانها
اليوم رحت لوحده من البزارات الي عندنا في الرياض
وشريت فستان مادري جلابيه ..المهم اني شريت شيء غريب
انا عجبني
امي وخواتي يوم رحت البيت كلهم هاوشوني
ليه تشترينه حق كبارين مايناسب عمرك مكبرك كثير
رحت رجعته للبزار للبنت الي شريته منها
وقالت انسي ارجعه لك ...
وانا ما اقول الا حسبي الله عليك من بنت
امي وخواتي يقولون حلو
بس مايناسب عمرك ابد
هو يابنات موديله غريب
وقماشه من النوع السترتش لونه اخضر باهت وفيه بالوسطه قطعه مشجره هي مركبتها عليه
والله انه حلو وغريب
عاد امي يقالها بتراضيني تقولي اصلاا هم كلهم الي بالعيد بينهبلون عليه
ادري بينهبلون عليه بس بعد انا وش اسوي مكبرني مره
بنات تكفون قولو لي
انا وش اسوي .. ما اقدر اشتري غيره للعيد
لان فلوسي ببساطه طارت عليه وعلى واحد ثاني اغلى منه
لاني انا اشتري 2 للعيد واحد الصبح وواحد الليل
ارجووكم عطوني حل لاتبخلون علي

التعليقات (9)

منيرة_

14-04-2022 - 01:59 pm

صوريه ونزلي صورته
يمكن يعجبني او يعجب وحده من الخوات ونشتريه
لان انا نفسي بسترتش وبكم شريتيه
منك ,
اي بازار رحتي

ثلجه حااره

14-04-2022 - 03:00 pm

بزار مركز الامير سلمان
وسعره 350
بس والله بخفضه وخوذيه بالي تبين
بس لحظه
كيف بصوره ماراح تفهمون الموديل الا اذا كان ملبوس
وش اسوي ؟
لانه هو قطعه طويله وانتي تلفينه عليك ولاعندي منيكان الفها عليه
وش رايك وشلون اصوره ؟

دفء الورود

14-04-2022 - 04:01 pm

حبيبتي ايش تسوين اذ امقتنعه خلاص واذا خسرانه عليه اعرضيه للبيع في الموقع او البسيه من صحات اللبس بالعيد اهم سي انه غريب والله يعينك ياما

لاتغرك ضحكتي

14-04-2022 - 05:02 pm

حبيبتي ودي اسال البازار اللي في سلمان بيجلس الى متى ؟؟؟؟
وبنسبه اذا غريب ماتقدرين تصورينهاا اقابلك في نادي سلمان اذا ناسبني شريته

ثلجه حااره

14-04-2022 - 06:03 pm

دفء الورد
وياك ياقلبي
ومشكوره على ردك
لايغرك ضحكتي
البزار الي واحد رمضان ..
وبالنسبه لفساتني
اخاف مايناسبك وانا بالنسبه لي مشوار اروح واجي
المهم بحاول
وعلى فكره
ترى بالبزار الفساتين اقل شيء تلقينه 500 او 750
انا حقي الثاني شريته 750
واستحاله تلقين واحد مثل حقي الا بالموت اقصد بالسعر
وبحاول اجي بكرى ولا بعده
وانتي قولي لي متى بتروحين له ؟

لاتغرك ضحكتي

14-04-2022 - 07:04 pm

انا ان شاء الله اليوم بروح مركز سلمان

ثلجه حااره

14-04-2022 - 08:05 pm

طيب كيف اعرفك ؟

بصمة غلا ؟؟

14-04-2022 - 09:06 pm

طيب اذا ما تقدرين بيعية على احد جارتكم او اقاربكم يكون افضل لك والله يعينك

لاتغرك ضحكتي

14-04-2022 - 10:07 pm

اهلين حبيبتي ممكن تقولين لي مقاسه وترسلين الصوره الحين على الايميل
يُمنع وضع ايميلات على العام

فستان سهره حلو←
ابغى فزعتكم يابنات الرياض→