بنات تكفون انحست بشعري

سرااب...

10-02-2022 - 11:29 pm

صباح الخير ..
بنات والله جالسة أبكي وأبغى مشورتكم ..
أنا شعري مليان شيب وأنا توني ماوصلت الثلاثين وعرفت إن ماله حل أكيد إلا الصبغة أو الحنة ..
المهم صبغت كل شعري بشهر 8 بلون فاتح شوي المهم صبغ كله وطلع حلو ماعدا اللي قدام ماكأني
صابغة .. يوم جاء قبل العيد قلت راح أصبغ فقط اللي قدام عشان يطلع اللي وراء نفس اللي قدام
وصبغت بنفس الصبغة لكن يوم صبغته ماكأني سويت شئ صبغت المنابت وباقي الشعر اللي قدام ماصبغ
ماأدري ليه والمشكلة والله احس طلع شيب كثير ..
وقبل شوي قلت بصبغ وبخليه يطول يوم غسلت شعري والله مصيبة ألوان والله يضحك
وبكرة دوامي متفشلة وش أسوي جالسة أبكي أدري بيكثر الشيب بس شلون اسحب الصبغة اللي سويتها
بخلطة طبيعية ..
أنا راح اصبغه إن شاءالله بكرة بس وش لون أبعد الصبغة اللي سويتها تو مع إنها نفس اللون ..
شعري راح فيها ..
وش أسوي جزاكم الله الجنة ..

التعليقات (7)

أم دلع 1

11-02-2022 - 02:35 am

الله يعينك ان شاء الله البنات يفيدونك

البرنسيسهـ آنآآآ

11-02-2022 - 05:38 am

طيب ياقلبي ليه ماتروحي مشغل كويس عند وحده شاطره تزبطة ليك
الله يريحك يارب وتلاقي حل ,,,

~ذبحني التفكير~

11-02-2022 - 06:39 am

ياقلبي عليك
اب

قمر الايام

11-02-2022 - 07:40 am

انصحك تروحين لوحده شاطره تزينه لك ..لاتهورين وتخربين شعرك...
حماتي كذا مره صبغت شعره وطلع الوان كانه ايسكريم ..وراحت لوحده وجلست تحط لها الوان تفتيح للشعر واصبغتها صبغه حلوه مره ماشاءالله..
انتي وين ساكنه

سرااب...

11-02-2022 - 08:41 am

أم دلع .. البرنسيسة أنا .. ذبحني التفكير .. قمر الايام ..
الله يوفقكم يارب تتوقعون لو رحت للمشغل راح يضبطونه راح يتوحد اللون ..
والله أكتب لكم وخانقتني العبرة أفكر بشعري ولا بالشيب اللي فيه كل شوي يكثر .. وخايفة اروح المشغل
ويزيد الشيب المشكلة من قدام الله يفرجها من عنده ..
إن شاءالله أجرب المرامية للشيب ...
جزيتم الجنة ..

مادري من انا

11-02-2022 - 09:42 am

آن شاء الله يضضبط توكلي ع الله انتي بسس لآلآنه آكيد آلحين مومضبوط عشان كذآ ان شاء الله تظبطه الكوفيره
بس تاكدي انه شاطره ,.,

نجدية 2007

11-02-2022 - 10:43 am

روحي مشغل يسون لك سحب الصبغة القديمة وحطي ثانية كامل الشعر

الشعري المتساقط اريد حلا←
اللي تبي لمعه واو ونعومه تدخل تجربتي انا ياحوبي لي→