بنات تكفون عطوني حركات بنسير بنرقد في الفندق

افا ما تعرفين هاليوم نفس ليله الدخله البسي احلى لبس عندج وفتره النوم احلى لبس نوم عندج وحطي احلى مكياج وسوي شعرج شيء حلو وانا افضل ترووحين الصالون وفي الفندق عاد ما اوصيج في الكلام الحلو...........الخ انتي فاهمه شو قصدي وعلى السرير بعد ما اوصيج والله وياج

هلا الغاليه منوره بنت راك
المهم القميص يفضل مال ليله الدخله إذا مالبستيه وايد أو إذا حابه تغيرين أهم شي يكون يديد.........أحلى....والمكياج على حسب اللون تسريحه الشعر إذا ما قدرتي تسوين في صالون سوي في البيت وغيري المعتاد مثلا دوم تفتحينه هذاك اليوم إرفعيه نصه أو إرفعيه كامل فوق أو سوي فير أو موس أو عقصيه بحركه حلوه وعاد إنتي أدرى.............
يينى للباجي
إشتري بالونات شكل قلوب وشموع بأشكال وحلو لو كله لون كامل يعني أحمر كله أحمر أو وردي كله وردي وهديه رتبيها له وباقه ورد..............المهم إلحين تخلينه ينزل ييلس في الرسبشن لين ما تخلصين إلبسي وترتبي وتعطري ووزعي البالونات والشموع ومثلا بأوراق الورد الطبيعي الأحمر تكتبين أحبك على السرير أو تكتبين (أحلى أيام عمري معاك)
وإذا في طاوله صغيره تيبين معاج من البيت كوبين زجاجيه وتزينينها بشرايط وتحطين عصير وصحن حلا (يفضل بيدج تسوينه )له طعم وتحطين شمعتين على الطاوله وتوزعين مثلا زري وأوراق ورد طبيعي أو مجفف والهديه تحطينها فوق السرير والباقه في يدج ودقي عليه يطلع لج وأول ما يدخل عطيه الباقه وإيلسوا إلعبوا (سوي بحث في قوقل أعاب الزوجيه )بتلاقين وايد وإلعبوا وكلوا والله يوفقكم وإن شا ءالله تستانسون طمنينا عنج .......شو سويتي وإسمحيلي طولتها وهي قصيره. ....................
والله يسخرنا لأزواجنا ويسخرهم لنا ويسعدنا يارب آمين....

البسي قميص النوم حق ليلة دخلتك ، وروحي الكوافير سوي ميك اب وتسريحة ، ونثري على السرير ورد مفتت ونثري علىشكل قلب او كلمة ا حبك و خلي الغرفة كلها باقات ورد وانا اتوقع نفس الفندق اللي حجزوا لكم الغرفة لو تقولي لهم انا ابغى باكج عرسان راح يسوون لاني قد سووا لي في عيد زواجنا و جهزوا الغرفة كلها باقات ورد و وحطو لنا ا كل في الغرفة وعصيرات حتى مخدات للي على شكل قلوب نثروها في الغرفة فطلعت الغرفة جنان مرة حلوة
المهم انت ظلمي الغرفة قبل مايجي زوجك ورصي شموع صغار على الارض وسوويها على شكل ممر من بابا لغرفة الين مثلا وين انت قاعدة بس خليه ممر شوي واسع مو يدخل ويجي الشمع ااطراف ثوبه ويحترق ،وطبعا الممر يصير اطرافه شموع مضيئة و في الوسط نثري ورد طبيعى بس انتبهي على الارض لا تطيح شمعه ويحترق السجاد وتتغرمون من الفندق ههه
وجهزي طبعا الحمام والبانيو خليه رومنسي شموع وروائح حلوة وعبي البانيو رغوة وفوق الرغوة كمان نثري ورد احمر وابيض مفتت واطراف البانيو حطي الشموع ، عشان بعدين تتغطسو انتي واياه في البانيو
وعاد جيبي كيكه ايس كريم ، اطلبي عصير طبقات و اكتبي بالروج اسمك واسمه على الكاس يعني اللي في اسمك راح يشرب هو منه واللي فيه اسمه انت اشربي منه ، وحطي موسيقى هادئة في الغرفة وارقصي انت واياه سلو .
ان شاء الله اكون افدتك عزيزتي وموفقه

انا نفس حالتج بطلع من الاربعين وبروح فندق دشيت اخذ افكار معاج
الله يسعدج يارب و مشكورة عالموضوع

يعطيك العافيه حبيبتي على الموضوع الحاو
انا كمان اخذتلي كم فكر منها لاني بعد اسبوعين بنكمل ثلاث سنوات بس حبيت تفيدوني الي تعرف فنادق في الرياض يقدرون يضبطولي هالمناسبه

شاكره لكم خواتي اهتمامكم الكبير

واو احناا بعد اسبوع بنكمل سنتين وودي بفندق بالشرقيه يسويلنا هالحركات

اي حركات اي بطيخ انا مر علي الاسبوع اللي طاف سنه من تزوجت ولا سويت ولا شي ولا تذكرت هاليوم الاقشر لا انا ولا اهو شالبقارة السعاده مو في الذكريات السعاده في القلوب الصافيه على بعض

مشكوره الغلا ع الموضوع واللع يسعدج وان شاء الله ليله مباركه
انا بعد استفدت منكم لاني الاسبوع الياي بكمل سنه
بس انا حاطه في بالي احط شموع في كل زاويه
وعصيرين...حبيبتي انا انصحج تشترين كريم للجسم له نكهه وطعم اذا ما كان عندج طبعا ويبيعونه في بودي شوب
والله يوفقج ان شاء الله