بنات جده الذويقات يدخلون أبيكم بكلمة راس

1. حبيت اسألكم بعض الاسئله لأني ضيفه عليكم وتعرفون ماعرف شي بجده


2. ودي تخدموني بهالخدمه ولكم الف تحايا مني

السلام عليكم ورحمة الله وبركاته
كيفون ياحلوات ان شالله بصحه وعافيه

حبيت اسألكم بعض الاسئله لأني ضيفه عليكم وتعرفون ماعرف شي بجده

ودي تخدموني بهالخدمه ولكم الف تحايا مني

بصراحه لي اسبوع بجده فريت ابوها فر تعبت من الزحمه والتحويلات هذا مو مهم بس المشكله ارجع البيت احس ما انجزت شي ولا انبسطت يروح وقتي كله بالسياره زوجي والله ماقصر وداني الشراع والشلال والفيفا والودعه واللاكوستا وعزيز مول والعرب ومحمود سعيد بس ابي شي جديد
اسئلتي هي كالتالي:
س1: ابي محلات بيع تايورات حلوه وناعمه عادي قصير وطويل او ميدي اهم شي حلوه وسعرها مناسب؟
س2: ابي محلات بيع مكياج حلو من كريم اساس وبودره وكحل اسود مليت من الماركات المعروفه كنت مجنونه ماكس فاكتور الطبيعيه بس ناعمه حيل ابي شي اووفر او حق مناسبات بسيطه الاثنين كلها؟
س3: ابي محلات ملابس بنوتات صغار حق 10 شهور ؟
س4: ابي محلات بيع عطور اسعارهم معقوله مو غاليه عشان اخذ كميه لي وللزمن خ ؟فيها عود ومسك وغيرها زهورات اهم شي حلوه
س5: ابي محلات جلسات كوفي عوائل حلوه ومرتبه ورمانصيه ؟ ومنتزهات او حدائق حلوه؟
س6: ابي اسماء مطاعم عوائل حلوه واكلها حلو ونظيف واماكن بيع سمبوسه وشاميات وغيرها بس اهم شي حلوه؟
س7: ماخليت شي ام وش باقي خلاص سلامتكم مابي شي بس اللي فوق تكفي
ودي يافروشات تكون ردودكم دقيقه وبأسم العنوان يعني اسم المحل والشارع اللي هي فيه وسلامتكون